| e-texts navigator |
| བོད་ཡིག |
166a1 chad pa yin/ des nad nyung bar 'gyur ba'i lam yongs su bzung ba yin/ des tshe ring bar 'gyur ba'i sa bon btab pa yin/ de la mi ma yin pa rnams kyang srung ba dang / bskyab pa dang / sbed par byed pa yin/ bde bar nyal zhing bde bar
166a2 sad pa dang / sdig pa'i rmi lam mi rmi ba yin/ gnyid log pa na yang de la lha rnams srung ba yin/ de la shar gnyer ba med pa yin te/ de la shar gnyer ba'i bag la nyal ba med pa yin/ ngan 'gro thams cad kyis mi 'jigs pa dang / shi 'phos nas kyang
166a3 bde 'gro mtho ris kyi 'jig rten du skye ba yin te/ rab tu zhi bar byed pa'i chos bcu po de dag 'thob bo/ /srog gcod pa spangs pa'i dge ba'i rtsa ba de gal te/ bla na med pa yang dag par rdzogs pa'i byang chub tu yongs su sngo na/ des de byang chub thob pa na tshe'i
166a4 tshad sems kyi dbang du 'gyur ro/ /klu'i bdag po ma byin par len pa spangs pa'i skyes bu gang zag ni yid brtan pa'i chos lnga 'thob ste/ lnga gang zhe na/ longs spyod che bar yang 'gyur la/ de'i longs spyod de dag kyang rgyal po dang / chom rkun dang /
166a5 chu dang / me dang bgo skal la spyod pa'i mi mdza' ba rnams kyis mi 'phrogs pa yin/ skye bo mang po'i yid du 'ong zhing dga' ba yin/ dogs pa med pa yin/ phyogs dang phyogs mtshams su de'i bsngags pa brjod cing de la pha rol gyi gnod pas 'jigs
166a6 pa med pa yin/ de'i sems sbyin pa'i bgo bsha' la 'jug pa yin te lnga po de dag go/ /ma byin par len pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de de bzhin gshegs pa nye ba'i nyon
166a7 mongs pa can ma yin pa'i ye shes can du rang gis mngon par rtogs nas bla na med pa yang dag par rdzogs pa'i byang chub mngon par rdzogs par 'tshang rgya'o/ /klu'i bdag po 'dod pas log par g.yem pa spangs pa'i skyes bu gang zag ni mkhas pas bsngags pa'i
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo