rKTs

e-texts navigator

Volume

Page

165a₁ bzhin gshegs pa'i sku bsod nams bye ba phrag 'bum gyis ji ltar brgyan pa dang / ji ltar rnam par bsgrubs pa dang / gang gi lha dang bcas pa'i 'jig rten zil gyis mnan cing non par 'dug pa dang / gang gis 'bum phrag bcu la dbang
165a₂ sgyur ba'i tshangs pa 'di dag kyang mog mog por byed pa dang / de bzhin gshegs pa'i sku la blta ba na yang mig khral khrul du gyur pa la ltos/ byang chub sems dpa' sems dpa' chen po 'di dag gi lus kyi rgyan gzugs kyi mtshan rnams la ltos/ 'di dag thams
165a₃ cad ni dge ba mngon par 'du byed pas mngon par 'dus byas pa brgyan pa/ rnam par bsgrubs pa dag go/ /klu'i bdag po khyod kyi bkod pa 'di yang bsod nams las byung ba yin no/ /brgya byin dang / tshangs pa dang / 'jig rten skyong ba dang / lha dang / klu
165a₄ dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po 'di rnams kyi bkod pa 'di dag thams cad kyang bsod nams las byung ba dag go/ /klu'i rgyal po rgya mtsho chen po 'di na gang dag lus sna
165a₅ tshogs gzugs mi sdug cing dbyibs mi legs pa dang / lus rags shing che ba rnams dang / gang dag lus phra zhing chung ba de dag thams cad kyang rang rang gi sems dang / dge ba dang mi dge ba'i rtsa ba'i lus dang ngag dang / yid kyi las sna tshogs kyis sna tshogs su
165a₆ byas pa dag ste/ klu'i bdag po de lta bas na khyod kyis las bdag gir bya ba dang / las kyi rnam par smin pa la rton par 'gyur ba de ltar slobs shig dang / las bdag gir bya ba dang / las kyi rnam par smin pa la rton pa khyed/ dge ba'i las mngon par 'du bya ba
165a₇ dag la blo 'jug par 'gyur ro/ /lta ba chud gson par byed par mi 'gyur ro/ /chad par lta ba dang / rtag par lta ba la gnas par yang mi 'gyur ro/ /khyod kyis sbyin pa'i gnas rnams mnyes par gyis shig /mnyes par byas nas kyang thugs phyung bar ma byed

_{iiif viewer powered by OpenSeadragon}

164b - 165b

Texts on this page