| e-texts navigator |
| བོད་ཡིག |
164b1 de dag gis rgya mtsho chen po'i nang na srog chags rab dang / 'bring dang / tha ma ji snyed gnas pa de dag thams cad kyis bcom ldan 'das mdun na bzhugs par mthong bar gyur te/ bde ba dang / dga' ba dang / mchog tu dga' ba skyes nas chos mnyan pa la brod cing
164b2 gus pa dang bcas pas thal mo sbyar te/ bcom ldan 'das la 'dud cing 'khod par gyur to/ /de nas bcom ldan 'das kyis klu'i rgyal po rgya mtsho la bka' stsal pa/ klu'i bdag po 'jig rten gnas pa 'di ni las sna tshogs kyis bskyod nas/ sems kyi dmigs
164b3 pa sna tshogs kyis las rnam pa sna tshogs mngon par 'du bya ba mngon par 'du byed de/ de'i 'gro ba yang sna tshogs su gyur to/ /klu'i bdag po rgya mtsho chen po 'di na gzugs rnam pa sna tshogs ji snyed yod pa dang / tha mal pa ji snyed snang ba la ltos/ klu'i bdag po
164b4 'di dag thams cad ni rang rang gi sems dang / dge ba dang mi dge ba'i rtsa ba'i lus dang / ngag dang / yid kyi las sna tshogs kyis sna tshogs su byas pa dag go/ /sems ni gzugs med pa/ bstan du med pa ste/ klu'i bdag po de ltar na chos thams cad ni bcos
164b5 ma rnam par bsgrubs pas nye bar gnas pa'i mtshan nyid de/ bdag po med pa bdag gi med pa/ yongs su 'dzin pa med pa'o/ /de dag ni las ji ltar bsags pa bzhin du bsgrubs pa sna tshogs su byas pa dag ste/ 'di la byed pa po gang yang med do/ /de ltar na
164b6 chos 'di dag ni bsam gyis mi khyab pa/ sgyu ma'i mtshan nyid kyi ngo bo nyid do/ /klu'i bdag po de la mkhas pas chos thams cad rnam par bsgrubs pas nye bar gnas pa'i mtshan nyid du shes nas dge ba mngon par 'du bya ba dag kho na mngon par 'du bya ste/ dge ba mngon par
164b7 'du bya ba dag mngon par 'du byed pa'i phung po dang / khams dang skye mched rnam par bsgrubs nas nye bar gnas pa'i mtshan nyid mngon par 'grub pa gang yin pa de dag mdzes shing gzugs bzang la blta na sdug par mngon par 'grub par 'gyur ro/ /klu'i bdag po de
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo