| e-texts navigator |
| བོད་ཡིག |
164a1 de nas lha'i bu mo dang / klu'i bu mo dang / lha ma yin dang / mi'am ci dang / nam mkha' lding dang / lto 'phye chen po dang / dri za'i bu mo de dag gis bcom ldan 'das la tshigs su bcad pa 'di rnams kyis mngon par bstod nas thams cad
164a2 gcig tu 'thun par gyur pas bla na med pa yang dag par rdzogs pa'i byang chub tu sems bskyed nas rang rang gi rgyan rnams/ bcom ldan 'das kyi sku la gsol to/ /de nas bcom ldan 'das mthar gyis rgya mtsho chen por gshegs te/ rgya mtsho chen po'i gting gi dkyil
164a3 gyi gnas klu'i rgyal po rgya mtsho'i 'khor gyi khyams bkod pa ga la ba der gshegs nas/ seng ge'i khri de la bzhugs so/ /dge slong gi dge 'dun rnams dang / byang chub sems dpa' rnams kyang stan ji ltar bshams pa de dag la 'khod do/ /de nas klu'i rgyal po rgya
164a4 mtshos bcom ldan 'das dang / dge slong gi dge 'dun dang / byang chub sems dpa' rnams bzhugs par rig nas bu dang bcas/ chung ma dang bcas/ gnyen 'dab dang 'khor dang bcas pas rang gi lag gis zhal zas ro brgya dang ldan pa/ bsod pa mang pos
164a5 tshim par byed cing ci bzhes pa stobs par byed do/ /tshim par byas shing ci bzhes pa bstabs nas bshos gsol lags te/ bstsang lder gyu ba dang phyag bcabs par rig nas chos mnyan pa'i phyir klu'i rgyal po rgya mtsho lha dang / klu dang / gnod sbyin dang / dri za dang /
164a6 lha ma yin dang / nam mkha' lding dang / mi'am ci dang / lto 'phye chen po rnams dang / brgya byin dang / tshangs pa dang / 'jig rten skyong ba rnams dang / phyogs bcu nas 'dus pa'i byang chub sems dpa' sems dpa' chen po de dag dang lhan cig tu bcom ldan
164a7 'das kyi spyan sngar 'khod do/ /de nas bcom ldan 'das kyis thams cad dang ldan pa'i 'khor de tshogs te 'khod par thugs su chud nas bde ba dang / dga' ba dang / mchog tu dga' ba'i chos mnyan pa zhes bya ba'i 'od zer sku las 'gyed par mdzad de/ 'od zer
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo