rKTs

e-texts navigator

Volume

Page

161b₁ dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang / mi dang mi ma yin pa rnams dga' ba'i tshal ltar nyams dga' ba'i tsam pa ka'i tshal nas langs te/ klu'i rgyal po rgya mtshos them skas
161b₂ kyi rim pa bshams pa ga la ba der dong ste lhags nas/ them skas dbus ma la ni bcom ldan 'das bzhugs so/ /g.yas rol na ni byang chub sems dpa' rnams 'khod do/ /g.yon rol na ni nyan thos chen po rnams 'khod do/ /mdun logs na ni brgya byin bye ba phrag drug cu lag
161b₃ pa g.yas pas lam mtshon par byed do/ /tshangs pa bye ba phrag drug cu ni nam mkha'i dkyil na 'khod do/ /bcom ldan 'das la rin po che'i gdugs rnams 'dzin to/ /lha bye ba phrag drug cu ni bcom ldan 'das kyi snam logs na 'khod de/ me tog gi char 'bebs so/ /
161b₄ 'dod pa na spyod pa'i lha'i bu rnams ni bcom ldan 'das la mchod pa'i las bya ba'i phyir sil snyan bye ba phrag drug cu dkrol bar byed do/ /lha'i bu mo bye ba phrag drug cu ni bcom ldan 'das kyi shul spos chus chag chag 'debs so/ /klu'i bu mo bye ba phrag drug cu ni nam mkha'i dkyil na 'khod
161b₅ de/ ro stod khebs pa'i mu tig gi phreng ba dag 'phyang bar byed do/ /mi'am ci bye ba phrag drug cu ni bcom ldan 'das la tshigs su bcad pa brjod pas stod par byed do/ /dri za bye ba phrag drug cu ni bcom ldan 'das kyi spyan snga na/ me tog gi phreng ba rnams 'phyang bar byed do/ /lha
161b₆ ma yin bye ba phrag drug cu ni ras bcos bu kha dog sna tshogs stong gis bcom ldan 'das la 'gebs par byed do/ /klu'i rgyal po ma dros pa yang 'khor bye ba phrag brgya nam mkha'i dkyil na 'khod de/ me tog dang / spos dang / phye ma dang / byug pa dang / gos
161b₇ dang / gdugs dang / rgyal mtshan dang / ba dan thams cad dang / sil snyan dang / glu dbyangs dang / pheg rdob pa dang / lha'i bkod pa thams cad kyis bcom ldan 'das la mchod pa byed de/ de la sogs pa klu'i rgyal po drug khri bcom

_{iiif viewer powered by OpenSeadragon}

161a - 162a

Texts on this page