rKTs

e-texts navigator

Volume

Page

161a₁ klu'i rgyal po rgya mtsho 'di snyam du sems te/ bcom ldan 'das kyi rdzu 'phrul gyis bdag gi gnas su gshegs pa de ni bdag gis rig pa ma yin/ cha ma yin gyis/ bdag gis bcom ldan 'das la mchod pa'i las bya ba'i phyir them skas ji lta bu dag gis
161a₂ bcom ldan 'das sum cu rtsa gsum gyi gnas nas 'dzam bu gling du gshegs pa de kho na lta bu'i them skas dag byin gyis brlabs la/ them skas de dag las bcom ldan 'das rgya mtsho chen por gshegs par bya gor ma chag snyam mo/ /de nas klu'i rgyal po rgya mtshos rgya mtsho chen
161a₃ po'i 'gram nas/ rang gi gnas kyi bar du them skas kyi rim pa gsum bshams te/ gcig ni gser las byas/ gcig ni bai dUr+ya las byas/ gcig ni mu tig dmar po las byas te/ rin po che thams cad kyis spras pa/ bkra ba blta na sdug pa dag bshams so/ /
161a₄ de nas bcom ldan 'das kyis ci nas rgya mtsho chen po'i chu'i phung po sus kyang mig gis ma mthong ba dang / chus kyang sems can dag la gnod par mi 'gyur ba de lta bu'i byin gyi rlabs kyis byin gyis brlabs so/ /bcom ldan 'das kyi sku las kyang 'od gang gis rgya mtsho chen po snang
161a₅ bar gyur nas stong gsum gyi stong chen po'i 'jig rten gyi khams snang bar 'gyur ba de lta bu'i 'od 'gyed par mdzad do/ /rgya mtsho chen po na sems can gnas pa gang yin pa de dag kyang 'od des reg pa tsam gyis byams pa'i sems dang / phan pa'i sems dang / mnyen pa'i sems
161a₆ dang / bde ba'i sems su gyur te/ phyin cad su yang phan tshun rnam par 'tshe ba med cing gnod pa byed pa med de/ de dag thams cad gcig la gcig pha mar 'du shes par gyur to/ /'dod pa na spyod pa dang / gzugs na spyod pa'i lha'i bu rnams kyang chos mnyan pa dang /
161a₇ klu'i rgyal po rgya mtsho'i gnas kyi bkod pa blta bar 'dod pa'i phyir bcom ldan 'das kyi phyir bzhin 'brang ngo / /de nas bcom ldan 'das byang chub sems dpa' rnams dang / nyan thos chen po rnams dang / brgya byin dang / tshangs pa dang / 'jig rten skyong ba la sogs pa lha

_{iiif viewer powered by OpenSeadragon}

160b - 161b

Texts on this page