| e-texts navigator |
| བོད་ཡིག |
158b1 snga mas 'di yi char mi phod/ /gang zhig byang chub sems mchog bskyed par bgyi/ /des na sangs rgyas mchod pa mchog tu 'phags/ /gang zhig 'dren rnams tshul 'di mi gcod pa/ /de ni stobs bcu kun gyi bka' drin gzo/ /klu'i rgyal po rgya mtsho'i bu dpal gyi gzi
158b2 brjid des tshigs su bcad pa mngon par bsgrub pa 'di smras pa na/ srog chags khris bla na med pa yang dag par rdzogs pa'i byang chub tu sems bskyed de/ de dag gis tshig 'di skad du gang gi tshe bcom ldan 'das de bzhin gshegs pa mthong ba don yod des byang chub brnyes pa de'i
158b3 tshe/ bdag cag kyang bcom ldan 'das dang phrad de/ 'jig rten gyi khams yongs su dag cing brtan pa der skye bar gyur cig /de bzhin gshegs pa de'i dam pa'i chos yongs su 'dzin cing mchod pa dang / bsnyen bkur yang bgyid par gyur cig /bcom ldan 'das
158b4 de'i 'og tu bdag cag kyang byang chub mngon par rdzogs par 'tshang rgya bar gyur cig ces kyang smras so/ /bcom ldan 'das kyis kyang de dag thams cad 'jig rten gyi khams de bzhin gshegs pa mthong ba don yod kyi sangs rgyas kyi zhing der skye bar lung bstan to/ /lung
158b5 bstan pa'i le'u ste lnga pa'o/ / //de nas bcom ldan 'das la klu'i rgyal po rgya mtshos 'di skad ces gsol to/ /bcom ldan 'das bdag cag la thugs brtse ba dang / skye bo mang po la sman pa dang / skye bo mang po la bde ba dang / 'jig rten la thugs brtse
158b6 ba'i slad du rgya mtsho chen por sang gdugs tshod gsol bar gnang bar mdzad du gsol/ de ci'i slad du zhe na/ bcom ldan 'das rgya mtsho chen po'i nang na lha dang / klu dang / gnod sbyin dang / dri za dang / lha ma yin dang / de ma lags par yang dud 'gro'i skye gnas
158b7 su skyes pa'i sems can tshad ma mchis pa dag mchis te/ de dag gis de bzhin gshegs pa mthong ba na dge ba'i rtsa ba dag bskyed par 'gyur la/ dam pa'i chos thos pas kyang 'khor ba thog ma ma mchis pa'i mtha' rtogs par 'gyur ba dang / bdag gi klu'i rgyal po'i
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo