| e-texts navigator |
| བོད་ཡིག |
158a1 de nas klu'i rgyal po rgya mtsho'i bu dpal gyi gzi brjid kyis bdag nyid lung bstan pa thos nas/ tshim zhing mgu la yi rangs te rab tu dga' nas dga' ba dang / yid bde ba skyes te/ mu tig gi dra ba nor bu rin po che 'bum gyis spras pa/ de bzhin gshegs
158a2 pa'i sku la gsol nas sor mo bcu'i thal mo sbyar te/ mngon sum du bcom ldan 'das la tshul dang 'thun pa'i tshigs su bcad pa 'di dag gis mngon par bstod pa/ mi dbang zla ba dri med 'od kyi zhal/ /gzi brjid mtha' yas lha dang mis mchod pa/ /mtshungs med stobs ldan
158a3 mtha' yas shugs mnga' ba/ /ye shes tshad ma mchis la mgos phyag 'tshal/ /phan par mdzad pa'i ye shes tshad ma mchis/ /de bzhin shes rab 'od kyang bsam mi khyab/ /tshul khrims dri med rab brtan rnam par dag /mi dbang mkha' dkyil 'dra la phyag 'tshal lo/ /
158a4 bskal pa dpag tu med pa mtha' yas par/ /spyod pa spyad nas sangs rgyas ye shes brnyes/ /des na 'gro ba'i spyod pa rab tu mkhyen/ /de bzhin de dag dbang po bsam pa mkhyen/ /'jig rten bcom ldan gzugs dang mtshungs ma mchis/ /de phyir 'gro ba lta bas chog ma
158a5 'tshal/ /de yi nyon mongs skye bar mi 'gyur zhing / /de tshe nyon mongs thams cad rab tu zhi/ /ka la ping ka khu byug mi'am ci/ /de bzhin tshangs pa'i sgra dang lha min sgra/ /phyogs bcu dag na yid 'ong sgra de dag /bde gshegs gsung gcig gis ni zil gyis mnan/ /mkha'
158a6 las zla ba sa la lhung yang gda'/ /rgya mtsho skams shing ri rab snyil yang gda'/ /sa la gnam lhung dum bu brgyar 'gyur gda'/ /rgyal ba'i bka' ni gzhan du yong mi gsung / /bden pa'i brtul zhugs rab 'brel ston pas 'dir/ /sangs rgyas ye shes gtso bos bdag lung
158a7 bstan/ /bdag ni rgyal ba rang byung yon gnas 'gyur/ /bdag la yid gnyis som nyi dogs ma mchis/ /phyogs bcu dag tu rin chen legs spras pa/ /bye ba mtha' yas 'dren pa rnams la phul/ /byang chub sems gcig bskyed pa gang lags la/ /bsod nams
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo