| e-texts navigator |
| བོད་ཡིག |
156a1 mos par 'gyur te/ theg pa chen po la zhugs pa rnams ma gtogs par thams cad kyang bskal pa bzang po 'di nyid la yongs su mya ngan las 'da' bar 'gyur ro/ /klu'i bdag po de bzhin gshegs pa'i bstan pa'i che ba nyid dang / rab tu byung ba'i
156a2 yon tan gyi rgyu'i khyad par la ltos/ 'di ltar sems can de dag mi dge ba'i chos thams cad spangs nas khyad par du 'gro bar 'gyur ro/ /de nas bcom ldan 'das la klu'i rgyal po rgya mtsho'i bu dpal gyi gzi brjid kyis 'di skad ces gsol to/ /bcom ldan 'das sangs
156a3 rgyas bcom ldan 'das rnams ni mthong ba dang thos pa don mchis pa lags te ngo mtshar lags so/ /'di ltar smad du ma mchis pa'i las can rnams kyis sangs rgyas la dmigs pa'i sems gcig tsam bskyed pa yang chab 'tshal bar mi 'gyur te/ de ni de dag gi yongs su mya
156a4 ngan las 'da' ba'i bar du rgyur 'gyur ba lags so/ /bcom ldan 'das bdag kyang bla na med pa yang dag par rdzogs pa'i byang chub 'di lta ste/ mthong ba dang thos pa'i don mchis par sems bskyed par 'tshal lo/ /byang chub kyi snying po la thug gi bar du bdag gi byang chub
156a5 sems dpa'i spyod pa don mchis par gyur cig / bdag sems rmongs par ma gyur cig /dge ba la rmongs pa dang / byams pa chen po dang / snying rje chen po la rmongs par ma gyur cig /bdag tshe rabs thams cad du sangs rgyas mthong ba dang / chos thos pa dang /
156a6 'phags pa'i dge 'dun la bsnyen bkur bgyid pa dang / sems can yongs su smin par bgyid pa dang 'bral bar ma gyur cig /de nas bcom ldan 'das kyis klu'i rgyal po rgya mtsho'i bu dpal gyi gzi brjid la legs so zhes bya ba byin te/ bzhin khyod kyis
156a7 sems can thams cad kyi rten gyi sems bskyed pa legs so legs so/ /'di lta bu'i lhag pa'i bsam pa dang / 'di lta bu'i snying rje chen pos byang chub tu sems bskyed pa 'di'i dge ba'i rtsa ba'i rnam par smin pa de ni de bzhin gshegs pas lo bdun dang / zla ba bdun dang /
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo