| e-texts navigator |
| བོད་ཡིག |
155a1 nams bla ma zhes bya ba dang / chos bla ma zhes bya ba dang / shes rab bla ma zhes bya ba'i mtshan 'di bzhir 'thun par sha stag gi de bzhin gshegs par 'gyur ro/ /de dag thams cad kyang bskal pa gcig kho na la 'byung bar 'gyur te/ dper na bskal pa
155a2 bzang po 'di la sangs rgyas stong 'byung bar 'gyur ba bzhin no/ /de nas bcom ldan 'das la klu'i rgyal po rgya mtshos 'di skad ces gsol to/ /bcom ldan 'das gang gi tshe bdag bskal pa'i dang por rgya mtsho chen po'i nang na gnas pa dang / gang gi tshe bcom ldan 'das de bzhin
155a3 gshegs pa 'khor ba 'jig 'jig rten du byung ba de'i tshe ni rgya mtsho chen po'i nang na klu dang / klu'i bu dang / klu'i bu mo dag nyung bar gyur te/ bdag kyang 'khor nyung bar gyur/ bcom ldan 'das nga ni rgya mtsho chen po'i nang na klu dang / klu'i bu dang / klu'i bu mo dag kyang 'di ltar
155a4 tshad ma mchis te/ grangs kyis mtha' rtogs par mi nus lags na/ bcom ldan 'das 'di la rgyu ni gang lags/ rkyen ni gang lags/ bcom ldan 'das kyis bka' stsal pa/ klu'i bdag po gang dag legs par gsungs pa'i chos 'dul ba la rab tu byung nas
155a5 tshul khrims dag la yongs su rdzogs par ma byas te/ cho ga nyams pa dang / 'tsho ba nyams pa dang / tshul khrims nyams pa dang / yongs su rdzogs par ma byas la de dag gi lta ba yang drang por gyur te/ des na sems can dmyal ba rnams su ni mi skye'i shi 'phos
155a6 nas klu'i skye gnas rnams su skye bar 'gyur te/ klu'i bdag po de bzhin gshegs pa 'khor ba 'jig gi gsung rab las ni srog chags khyim pa dang / rab tu byung ba bye ba phrag dgu bcu rtsa brgyad cho ga dang / 'tsho ba dang / tshul khrims nyams te/ shi 'phos
155a7 nas klu'i skye gnas rnams su skyes so/ /de bzhin gshegs pa gser thub kyi gsung rab las ni srog chags khyim pa dang / rab tu byung ba bye ba phrag drug cu rtsa bzhi rab tu byung ba las tshul khrims 'chal par gyur pas shi 'phos te/ klu rnams kyi skye gnas su
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo