| e-texts navigator |
| བོད་ཡིག |
154b1 shA ri'i bus 'di skad ces gsol to/ /bcom ldan 'das klu'i skye gnas su skyes pa dag kyang 'di ltar bla na med pa yang dag par rdzogs pa'i byang chub tu sems bskyed par bgyid la/ 'di na mir gyur pa kha cig ni byang chub tu sems bskyed pa'i rngo mi thogs pa ni ngo mtshar
154b2 lags so/ /bcom ldan 'das kyis bka' stsal pa/ shA ri'i bu klu khri nyis stong bo 'di dag ni de bzhin gshegs pa 'od srung gi gsung rab la rab tu byung bar gyur te/ 'di dag gis de bzhin gshegs pa de las byang chub kyi sems dang ldan pa'i gtam cig
154b3 thos so/ /thos nas kyang de bzhin gshegs pa de la legs so zhes bya ba gsol te/ theg pa chen po ni bsam gyis mi khyab ste/ legs so legs so zhes tshig tu smras so/ /mi dge ba'i 'du 'dzi 'di lta ste/ mdza' bshes kyi khyim dang / slong
154b4 mo ster ba'i khyim yongs su bzung ba'i phyir tshul khrims rnams nyams su ma blangs par gyur te/ tshul khrims nyams par byas pa de na 'di dag de nas shi 'phos nas klu'i skye gnas su skyes par gyur to/ /'di dag gi theg pa chen po'i gtam de thos la/ bcom
154b5 ldan 'das de la yang legs so zhes bya ba gsol ba'i rgyu de dang rkyen de dang dge ba'i rtsa ba des ni da ltar nga las theg pa chen po'i gtam thos te/ mi zad pa'i za ma tog gi gzungs bstan pa thos nas bla na med pa yang dag par rdzogs pa'i byang chub tu sems skyes so/ /shA ri'i
154b6 bu lhag pa'i bsam pa'i khyad par la ltos/ ngas 'di dag bla na med pa yang dag par rdzogs pa'i byang chub tu lung bstan te/ bskal pa bgrang ba las 'das pa dag na de bzhin gshegs pa yang bgrang ba las 'das pa dag la mchod pa byas nas byang chub kyi phyogs dang
154b7 'thun pa'i chos rnams yang dag par bsgrubs te/ bskal pa mngon par dga' ba zhes bya ba la 'jig rten gyi khams dri ma med pa'i snying por bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ ye shes bla ma zhes bya ba dang / bsod
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo