| e-texts navigator |
| བོད་ཡིག |
153b1 la lta bas skye bo chog mi shes/ /spyod lam dang ni spyod pa shes bzhin rgyu/ /'gro la phan don byed cing 'jig rten rgyu/ /gang tshe gzungs 'di thob par gyur pa na/ /brgya byin de bzhin tshangs pa 'jig rten skyong / /de yi rkang mthil du ni gus par 'dud/ /'on kyang de yid
153b2 gang du'ang khengs pa med/ /de ni skad snyan tshangs pa'i dbyangs dang ldan/ /skye ba'i yid ni rnam spyod mgu bar byed/ /skyon med snyan cing dag la dus su smra/ /de yi bstan pa don med yang mi 'gyur/ /gang tshe de yis gzungs ni thob gyur na/ /de ni 'khor gyi nang du 'jigs
153b3 pa med/ /seng ge'i sgra can mi 'jigs sgrogs par byed/ /pha rol tshogs rnams thams cad rab tu 'joms/ /sems can g.yo can gdul dka' nga rgyal khengs/ /mngon pa'i nga rgyal skyon ldan gang yin pa/ /de dag mkhas pa'i chos ni thob gyur na/ /nga
153b4 rgyal spangs nas rkang mthil 'dud par byed/ /chos kyi dbyings ni rang bzhin zhi ba dang / /don rtogs dang ni chos nyid nges par shes/ /de phyir chos ni gtan la 'bebs pa dang / /yi ge 'byed la de yi tshig mi zad/ /sems can rang bzhin rnam dag chos kyi dbyings/ /
153b5 de bzhin bdag nyid rnam dag de yis shes/ /de ltar sems can de bzhin nyid shes pas/ /de yi chos rnams bstan pa thogs pa med/ /zad pa nam yang zad par mi nus la/ /mi zad pa yang nams kyang zad mi 'gyur/ /chos nyid rab zhi 'di ni rtogs nas kyang / /
153b6 der ni mdo sde bye ba mtha' yas ston/ /yi ge 'di dag lus la mi gnas shing / /yid la mi gnas sems las ma byung ste/ /ji ltar brag ca'i sgra ni thos pa bzhin/ /yi ge rnams kyi rang bzhin stong zhing dben/ /gzungs 'di yi ge rnams dang sgra la med/ /tshig gi
153b7 lam dang lus dang ngag la'ang med/ /de ltar yi ge'i tshul rnams rtogs pas na/ /smras kyang de yi tshig ni thogs pa med/ /de ni ston kyang yid la rnam rtog med/ /sems la'ang rlom sems byed pa yang med de/ /'on kyang chos 'di rtogs par bya ba'i phyir/ /chos nyid
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo