| e-texts navigator |
| བོད་ཡིག |
153a1 par yang mi byed/ gtong bar yang mi byed/ gnas par yang mi byed/ 'gro bar yang mi byed de/ de bas na sbyor ba de ni yang dag pa'i sbyor ba zhes bya'o/ /klu'i bdag po byang chub sems dpa' de ltar sbyor ba ni mi zad pa'i za ma tog gi gzungs 'di thob
153a2 par 'gyur ro/ /de nas de'i tshe bcom ldan 'das kyis tshigs su bcad pa 'di dag bka' stsal to/ /gang tshe de yis gzungs 'di thob gyur na/ /de yis dran dang blo gros yongs su dag /mdo sde rtogs pa kun gyi pha rol phyin/ /'gro ba'i skad dang sgra yang rab tu shes/ /
153a3 'gro ba'i sems dang spyod pa ngan pa dang / /bzang dang 'bring gi rgyu ba gang yin shes/ /spyod dang sems kyi rgyud rnams shes nas kyang / /ji ltar 'tsham par chos kyi tshig rnams ston/ /gang tshe de ni gzungs la rab mkhas na/ /de ni rgyu dang byed dang rkyen la mkhas/ /
153a4 rtag dang chad par lta bar mi 'gyur te/ /mthar 'dzin thams cad rnam par spangs pa yin/ /gang tshe de yis gzungs 'di thob gyur na/ /yi ge dang ni tshig rnams 'byed la mkhas/ /skad rnams mang po du ma tha dad shes/ /don dang yi ge la yang mkhas par gyur/ /
153a5 de yi lha yi mig kyang dri med 'gyur/ /de yi lha yi rna ba'ang rnam par dag /shes rab mtha' yas pha rol sems la mkhas/ /'das pa dang ni ma 'ongs bskal pa dran/ /de bzhin rdzu 'phrul rkang pa thob gyur nas/ /zhing rnams bye ba mtha' yas skad cig 'gro/ /
153a6 'jig rten 'dren rnams la ni mchod pa byed/ /de bzhin gzungs la thos pas chos kyang 'dzin/ /bdud rnams 'bum phrag ji snyed yod pa yis/ /de yi 'gro ba'i yul rnams mi shes la/ /mun bsal sems can dag pa nyon mongs med/ /mdo sde stong phrag
153a7 tshad med ston par byed/ /chu yi nang na pad mo ma gos bzhin/ /de ni 'jig rten chos rnams gos med spyod/ /rjes chags khong khro rnams las rtag tu grol/ /'jig rten kun la sems ni mkha' ltar snyoms/ /mtshan gyi dam pa gzugs 'chang dag pa ste/ /de
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo