rKTs

e-texts navigator

Volume

Page

149a₁ shes nas yul gyi mi dang 'khor drug 'bum rab tu byung ngo / /rgyal po'i btsun mo'i nang nas kyang btsun mo dam pa bzhi rab tu byung ste/ klu'i rgyal po de ltar na dag pa'i sems can dge ba'i rtsa ba bskyed pa yongs su sbyang ba byas pa rnams kyi gnas su gyur pa'i
149a₂ gsung rab de dag dga' dga' ltar 'dug par gyur to/ /klu'i bdag po de'i tshe de'i dus na 'khor los sgyur ba'i rgyal po bsod nams mi zad pa de gzhan zhig yin snyam du khyod som nyi 'am yid gnyis sam the tshom za bar gyur na de ltar mi blta'o/ /de ci'i phyir zhe na/ klu'i
149a₃ rgyal po de'i tshe de'i dus na khyod nyid 'khor los sgyur ba'i rgyal po bsod nams mi zad pa zhes bya bar gyur to/ /klu'i bdag po khyod rgyal po'i bu dang rgyal po'i bu'i mi de dag gzhan zhig yin pa snyam du sems na de ltar mi blta'o/ /de ci'i phyir zhe na/ 'khor 'dir 'dus shing
149a₄ 'khod pa'i byang chub sems dpa' sems dpa' chen po 'di dag nyid yin no/ /klu'i bdag po 'di ji snyam du sems/ rin po che'i za ma tog ces bya ba'i gzungs gang de bzhin gshegs pa tshangs pa'i dpal lha'i rgyal po des rgyal po bsod nams mi zad pa de la bstan pa
149a₅ de gzhan zhig yin pa snyam du sems na khyod kyis de ltar mi blta'o/ /de ci'i phyir zhe na/ mi zad pa'i za ma tog gi gzungs 'di nyid de'i tshe rin po che'i za ma tog ces bya'o/ /klu'i bdag po de ltar na de bzhin gshegs pa ni sangs rgyas kyi spyan chags pa med pas rnam par
149a₆ gzigs nas sems can rnams la sngon gyi rgyu las byung ba'i chos kyi gtam brjod pa mdzad do/ /klu'i bdag po khyod kyis de bzhin gshegs pa mang po las mi zad pa'i za ma tog gi gzungs 'di thos so/ /khyod kyis sangs rgyas 'bum phrag mang po las gzungs 'di'i don
149a₇ yang dang yang du thos te/ des na da ltar khyod 'di ltar dran pa dang ldan pa dang / 'di ltar blo gros dang ldan pa dang / 'di ltar rtogs pa dang ldan pa dang / 'di ltar spobs pa phun sum tshogs pa dang / 'di ltar shes rab dang ye shes dang ldan pa yin no/ /klu'i bdag

_{iiif viewer powered by OpenSeadragon}

148b - 149b

Texts on this page