rKTs

e-texts navigator

Volume

Page

148b₁ sems snyoms pa dang / snying rje chen po'i go cha bgos nas chos 'ba' zhig mnyan to/ /de nas bcom ldan 'das de las lo 'bum tham pa'i bar du dam pa'i chos nyan te/ thos nas kyang rin po che'i za ma tog gi gzungs 'di nyid kyi rtsa ba yongs su sbyang ba byas so/ /de bskal
148b₂ pas ya phrag bdun gyi 'khor ba phyir bsnyil bar gyur to/ /bskal pa khri'i bar du las kyi sgrib pa bsags pa ni rnam par dag par gyur to/ /sangs rgyas 'bum ni de'i mig lam du snang bar gyur to/ /sangs rgyas bye ba phrag 'bum mngon sum du mthong bar 'gyur ba'i
148b₃ dge ba'i rtsa ba yang des yongs su gzung ba'o/ /gang gA'i klung gi bye ma snyed kyi brgya byin dang / tshangs pa dang / 'jig rten skyong du 'gyur ba dang / 'khor los sgyur ba'i rgyal srid 'thob pa'i dge ba'i rtsa ba yang bskyed do/ /dran pa dag pa zhes bya ba'i thos pa'i
148b₄ gzungs kyang thob ste/ thos pa'i gzungs des na sangs rgyas brgyas gsungs pa'i yang dag par 'dzin par byed do/ /gzhon nu de dag dang de dag gi ma de rnams kyis kyang rjes su 'thun pa'i chos kyi bzod pa thob bo/ /btsun mo de dag gi nang nas kyang bud med brgyad khri
148b₅ bzhi stong gis ni byang chub tu sems bskyed do/ /bud med brgyad khri bzhi stong gis ni bzod pa thob par gyur to/ /lha dang mi khrag khrig phrag dgu bcus ni byang chub tu sems bskyed do/ /lha dang mi brgyad khri bzhi stong gis bzod pa thob par gyur to/ /nyan thos kyi theg
148b₆ pa pa khrag khrig phrag sum cu rtsa gnyis ni chos rnams la chos kyi mig rnam par dag pa'o/ /dge slong khri drug stong ni len pa med par zag pa rnams las sems rnam par grol lo/ /rgyal po bsod nams mi zad pa yang rgyal srid thams cad spangs nas lha dang mi'i 'dod pa
148b₇ rnams la don du gnyer ba med par bla na med pa yang dag par rdzogs pa'i byang chub 'di nyid la rten bcas te/ dad pas khyim nas khyim med par rab tu byung ngo / /rab tu byung ba de thos nas rgyal po de'i bu de dag thams cad kyang rab tu byung ngo / /de dag kyang rab tu byung bar

_{iiif viewer powered by OpenSeadragon}

148a - 149a

Texts on this page