rKTs

e-texts navigator

Volume

Page

148a₁ shes rab dang ye shes nges pa dang / lta ba dang / nyon mongs pa thams cad dang bral ba'i so so yang dag par rig pa bzhi dang ldan pa yin/ sangs rgyas kyi byin gyi rlabs kyis byin gyis brlabs pa dang / chags pa med pa'i byin gyi rlabs pas byin
148a₂ gyis brlabs kyi stobs dang ldan pa yin/ bsod nams mi zad pa'i rgya mtsho'i phyag rgya'i ting nge 'dzin dang ldan pa yin/ sems can thams cad mgu bar bya ba dang / sangs rgyas kyi chos thams cad la yang dag par gzhol ba dang / brjed ngas pa med pa yongs su
148a₃ dag pa'i gzungs dang ldan pa yin/ chos ji lta ba bzhin rjes su 'gro ba dang / tshul gcig pa'i chos kyi rjes su 'gro ba dang / gnyis su med pa yang dag pa'i mtha' la gnas pa dang / mi skye ba'i chos la bzod pa thob pa dang ldan pa yin te/ rgyal po chen
148a₄ po chos brgyad po de dag dang ldan pa'i byang chub sems dpa' ni chos kyi dbang phyug thob par 'gyur ro/ /rgyal po chen po gzhan yang rin po che'i za ma tog ces bya ba'i gzungs yod de/ de thob na byang chub sems dpas chos kyi dbang phyug thob par gyur te/ de ltar na de
148a₅ bzhin gshegs pas rin po che'i za ma tog gi gzungs las brtsams nas/ lo 'bum gyi bar du rgyas par rnam par dbye bas de la yang dag par bstan to/ /rgyal po bsod nams mi zad pa de yang rgyal po'i bya ba thams cad btang ste/ las gzhan mi byed la sems kyi
148a₆ rgyud rnam par g.yengs pa med par dpung dang bcas 'khor dang bcas pas chos mnyan te/ des lo 'bum po de'i bar du 'dod pa'i rtog pa'am/ gnod sems kyi rtog pa'am/ rnam par 'tshe ba'i rnam par rtog pa'am/ bu dang / chung ma dang / rgyal srid dang /
148a₇ yongs su 'dzin pa dang / sdug pa thams cad la nges pa'i rtog pa rnams la brtag par ma bsams te/ chos la sdug par nges pa yid la byed pa dang / byang chub kyi sems kyi bsam pa la gnas par gyur pa dang / byams pa chen pos sems can thams cad la

_{iiif viewer powered by OpenSeadragon}

147b - 148b

Texts on this page