rKTs

e-texts navigator

Volume

Page

147b₁ par thugs su chud nas de bzhin gshegs pa des 'di skad ces bka' stsal to/ /rgyal po chen po chos bzhi dang ldan na/ rgyal rigs spyi bo nas dbang bskur ba'i rgyal po chos kyi dbang phyug thob par gyur la dge ba'i chos rnams kyis kyang khyad par du 'gro bar gyur te/ bzhi gang
147b₂ zhe na/ dad pa la gnas te/ dge ba gang yin pa tshol zhing nga rgyal med par 'phags pa dag gi thad du 'gro ba dang / chos don du gnyer te/ chos 'dod cing chos kyi kun dga' la dga' bas dga' ste/ rtag tu don gyi rjes su lta ba dang / mi rtag pa'i chos nyid la so sor rtog pa
147b₃ dang / 'dus byas kyi nyes pa rtogs pa dang / yongs su 'dzin pa thams cad la rnam par 'gyur ba'i chos can yin no snyam du dran pas nye bar gnas par byed pa dang bag yod par byed de/ 'dod pa'i yon tan thams cad la lhag par zhen pa med cing dge ba'i rtsa ba thams cad
147b₄ kyang zad par mi byed la gong du yang rnam par 'phel bar byed pa dang / byang chub kyi sems kyi bsam pa yang rnam par mi spong ba ste/ rgyal po chen po chos bzhi po de dag dang ldan na rgyal rigs spyi bo nas dbang bskur ba'i rgyal pos chos kyi dbang phyug thob par 'gyur la/ dge
147b₅ ba'i chos rnams kyis kyang khyad par du 'gro bar 'gyur ro/ /de skad ces bka' stsal pa dang / de bzhin gshegs pa tshangs pa'i dpal lha'i rgyal po la rgyal po bsod nams mi zad pas 'di skad ces gsol to/ /bcom ldan 'das chos gang dag dang ldan na byang chub sems
147b₆ dpas chos la dbang phyug thob par 'gyur lags/ bcom ldan 'das des bka' stsal pa/ rgyal po chen po chos brgyad dang ldan na byang chub sems dpas chos la dbang phyug thob par 'gyur te/ brgyad gang zhe na/ rnam par rtse zhing mi nyams par 'gro ba'i mngon par shes
147b₇ pa lnga dang ldan pa yin/ chags pa med pa dang / thogs pa med pa dang / bskyod du med pa'i shes rab dang ldan pa yin/ ye shes kyis bsdus pa dang / yongs su sbyang bar byas pa dang / mngon par 'du byed pa med pa'i rdzu 'phrul gyi rkang pa bzhi dang ldan pa yin/

_{iiif viewer powered by OpenSeadragon}

147a - 148a

Texts on this page