rKTs

e-texts navigator

Volume

Page

147a₁ byang dang / lho'i ngos re re la dpag tshad drug cu rtsa bzhi bzhi yod par gyur to/ /bcom ldan 'das de bzhin gshegs pa tshangs pa'i dpal lha'i rgyal po yang grong khyer chen po dga' 'byung de nyid du sku bltam mo/ /grong khyer chen po de'i nang du rgyal po bsod nams
147a₂ mi zad pa'i pho brang rin po che sna bdun las byas par gyur to/ /grong khyer chen po de'i nang na lam po che dang / srang gi sgo 'bum phrag brgyad cu rtsa bzhi yod par gyur to/ /lam po che dang / srang gi sgo thams cad na yang khyim bye ba 'bum phrag brgyad cu rtsa bzhi gnas so/ /grong
147a₃ khyer chen po de yang ra ba rim bdun dang / lan kan rim bdun dang / ta la'i phreng rim bdun dang / dril bu g.yer ka'i dra ba rim bdun gyis bskor to/ /skyed mos tshal khris kyang bskor to/ /'obs bdun rim gyis kyang bskor te/ 'obs de dag kyang yan lag brgyad
147a₄ dang ldan pa'i chus yongs su gang la/ me tog ud pa la dang / pad ma dang / ku mu da dang / pad ma dkar po dang / dri mchog gis khebs pa ngang ngur la sogs pa rtag tu skad 'byin par gyur te/ de ltar grong khyer chen po de bsam gyis mi khyab pa'i yon tan gyi rgyan bkod pa
147a₅ dang ldan par gyur to/ /bcom ldan 'das de bzhin gshegs pa tshangs pa'i dpal lha'i rgyal po de yang grong khyer chen po dga' 'byung de nyid na nags tshal spos mchog 'od ces bya ba gang du rgyal po bsod nams mi zad pas bcom ldan 'das de'i gtsug lag khang byas pa na bzhugs
147a₆ so/ /rgyal po bsod nams mi zad pa bu dang bcas/ btsun mo dang bcas/ gnyen 'dab dang tshal za'i 'khor dang bcas pas bskal pa 'bum tham pa'i bar du de bzhin gshegs pa de la yid du 'ong ba'i bde ba'i yo byad dang / longs spyod thams cad kyis bsnyen bkur byas
147a₇ so/ /klu'i bdag po de nas rgyal po bsod nams mi zad pa de 'khor de dag dang lhan cig tu bcom ldan 'das de bzhin gshegs pa tshangs pa'i dpal lha'i rgyal po ga la ba der song nas bcom ldan 'das de'i zhabs la mgo bos phyag 'tshal te phyogs gcig tu 'dug go/ /de 'ongs

_{iiif viewer powered by OpenSeadragon}

146b - 147b

Texts on this page