| e-texts navigator |
| བོད་ཡིག |
146b1 ba thob la nyon mongs pa thams cad kyis kyang de dag la gnod par ma gyur to/ /'jig rten gyi khams de yang lag mthil ltar mnyam la/ ka tsa li na da'i gos ltar 'jam zhing reg na bde bar gyur to/ /'jig rten gyi khams de na ngan song ngan 'gror gdags pa med de lha dang mi de dag kyang
146b2 dag pa 'ba' zhig tu gyur to/ /de dag ni phal cher rgya chen po la mos pa dang / theg pa chen po la zhugs pa sha stag go/ /nyan thos dang / rang sangs rgyas kyi theg pa pa ni nyung ngo / /de dag gi longs spyod thams cad kyang yid la bsams pas 'byung la/ lha dang mi de dag
146b3 bde zhing longs spyod dang ldan par gyur to/ /de na su yang sdug pa dang dbul po med de/ dper na dga' ldan gyi lha rnams kyi longs spyod dang / nye bar spyad pa ji lta ba bzhin du de na 'khod pa'i mi rnams kyang de dang 'dra bar gyur to/ /de bzhin gshegs pa de'i sku tshe'i tshad kyang lo
146b4 'bum phrag brgyad cu rtsa bzhi phrag brgyad du bsgres pa snyed du gyur to/ /mi de dag gi tshe'i tshad kyang de nyid do/ /de na tshe'i mthar ma phyin par su yang 'chi ba med do/ /de bzhin gshegs pa de'i byang chub sems dpa'i 'khor yang khrag khrig phrag bdun cu rtsa gnyis yod par gyur to/ /
146b5 de'i nyan thos kyi dge 'dun ni tshad med do/ /klu'i bdag po de'i tshe de'i dus na der 'khor los sgyur ba'i rgyal po gling chen po bzhi'i dbang phyug gi rgyal po bsod nams mi zad pa zhes bya ba zhig byung ste/ rgyal po bsod nams mi zad pa de'i btsun mo bud med lha mo dang 'dra ba khrag
146b6 khrig brgya phrag brgyad cu rtsa bzhi yod de/ de dag gi nang na de'i btsun mo dam pa ni bzhi yod par gyur te/ 'di lta ste/ dri ma med pa zhes bya ba dang / dri ma med pa'i 'od ces bya ba dang / dag pa zhes bya ba dang / dga' ldan ma zhes bya ba'o/ /de'i bu yang brgyad khri bzhi stong
146b7 yod de tshan po che'i stobs dang ldan pa mtshan nyi shu rtsa brgyad kyi gzugs dang ldan pa theg pa chen po la zhugs pa sha stag go/ /klu'i bdag po rgyal po bsod nams mi zad pa de yang grong khyer chen po dga' 'byung zhes bya ba na gnas so/ /grong khyer chen po de yang shar dang / nub dang /
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo