rKTs

e-texts navigator

Volume

Page

146a₁ zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das tshangs pa'i dpal lha'i rgyal po zhes bya ba 'jig rten du byung ngo / /de'i
146a₂ tshe de'i dus na 'jig rten gyi khams khyad par gyi yon tan bkod pa bsdus pa de 'byor pa dang / rgyas pa dang / bde ba dang / lo legs pa dang / nyams dga' ba dang / skye bo mang po dang / lha dang / mi rnams kyis gang bar gyur to/ /sangs rgyas kyi zhing 'di ni
146a₃ gling bzhi pa'i 'jig rten gyi khams bye ba phrag brgya pa ji tsam pa de tsam gyi gling bzhi par gyur la/ de lta bu'i gling bzhi pa'i 'jig rten gyi khams bye ba phrag brgya ni bcom ldan 'das de bzhin gshegs pa tshangs pa'i dpal lha'i rgyal po de'i 'jig rten gyi khams khyad par gyi yon tan
146a₄ bkod pa bsdus par gyur te/ de ltar tha gru che zhing yangs pa de ltar tshad med do/ /'jig rten gyi khams de nor bu rin po che rdo rje'i 'od 'dra bar gyur te/ de nyid kyi snang bas rtag tu snang bar gyur to/ /'jig rten gyi khams de rin po che'i dra bas kun tu khebs shing
146a₅ dar gyi lda ldi mang po ni btags/ gdugs dang / rgyal mtshan dang / ba dan bsgreng bas ni legs par brgyan/ bla re chen po rnams ni bres/ mtshan mo bar snang las kyang sil snyan brgya stong dag ma brdungs ma dkrol bar sgra rang 'byung ste/ sil snyan
146a₆ dang / glu dbyangs kyi sgra des stong gsum gyi stong chen po'i 'jig rten gyi khams thams cad mngon par go bar byas te/ sil snyan dang / glu dbyangs kyi sgra de dag las 'dod pa dang ldan pa dang / 'dod chags dang / zhe sdang dang / gti mug dang / nyon mongs pa
146a₇ rab tu 'bar ba'i sgra ni mi 'byung gi / zhi ba dang / rab tu zhi ba dang / chos kyi dga' ba dang / mgu ba dang ldan pa'i sgra de dag 'ba' zhig 'byung bar gyur te/ de thos pa tsam gyis lha dang mi de dag thams cad kyi dran pa dang / nye bar zhi ba dang / dga' ba dang / bde

_{iiif viewer powered by OpenSeadragon}

145b - 146b

Texts on this page