rKTs

e-texts navigator

Volume

Page

144a₁ lta bur chos kyi 'brug sgra mngon par sgrogs pa yang yin no/ /brgya byin lta bur dus su chos kyi char chen po 'bebs pa yang yin no/ /dpa' bos gzhan gyi dmag la bya ba lta bur mu stegs can thams cad skrag par byed pa yang yin no/ /chu'i rgyun gyis me
144a₂ la bya ba lta bur nyon mongs pa thams cad rab tu zhi bar byed pa yang yin no/ /rlung gis phub ma spar gang la bya ba lta bur bdud thams cad zil gyis gnon pa yang yin no/ /ma mas byis pa la bya ba lta bur sems can thams cad dang 'thun par byed pa yang yin no/ /sa gzhi
144a₃ rdzas rnams kyis mi bskyod pa lta bur bde ba dang sdug bsngal rnams kyis mi bskyod pa yang yin no/ /rlung gis shing gi lo ma rnams la bya ba lta bur phas kyi rgol ba thams cad g.yo bar byed pa yang yin no/ /rnam thos kyi bu rin po che thams cad 'byor ba lta bur chos kyi nor 'thun
144a₄ par sbyin pa yang yin no/ /'gro ba thams cad kyi bkod pa'i snying po zhes bya ba'i yid bzhin gyi nor bu rin po che lta bur sems can thams cad kyi bsam pa yongs su rdzogs par byed pa yang yin te/ klu'i bdag po de ltar na mi zad pa'i za ma tog gi gzungs la gnas pa'i byang
144a₅ chub sems dpa' ni byang chub kyi snying po la gnas pa zhes brjod do/ /klu'i bdag po dper na rgya mtsho chen po ni rin po che chen po thams cad kyi 'byung gnas dang / rin po che thams cad kyi za ma tog yin pa de bzhin du mi zad pa'i za ma tog gi gzungs la gnas pa'i byang chub sems
144a₆ dpa' ni chos thams cad kyi 'byung gnas dang / chos thams cad kyi za ma tog yin no/ /klu'i bdag po dper na spos brgya phrag du ma yod pa'i spos kyi za ma tog ni sems can thams cad spos kyis yongs su mgu bar byed pa de bzhin du mi zad pa'i za ma tog gi gzungs la gnas pa'i
144a₇ byang chub sems dpa' ni sems can thams cad la legs par smra bas yang dag par mgu bar byed do/ /klu'i bdag po gzhan yang gzungs 'di ni sgra thams cad la 'jug pa ste/ 'di ni byang chub kyi sems zhes bya ba gang yin pa de ni de bzhin gshegs pa rin chen gdugs gcig

_{iiif viewer powered by OpenSeadragon}

143b - 144b

Texts on this page