| e-texts navigator |
| བོད་ཡིག |
143b1 smon lam gyi pha rol tu phyin pa ni de'i ci 'dod pa'i don yang dag par thob par byed pa'o/ /stobs kyi pha rol tu phyin pa ni de'i nyon mongs pa thams cad rnam par 'joms par byed pa'o/ /ye shes kyi pha rol tu phyin pa ni de'i dus gsum la ye shes thogs pa med par byed pa'o/ /byams
143b2 pa ni de'i sems can thams cad kyi phan pa sgrub par byed pa'o/ /snying rje ni de'i sems can thams cad la sdug bsngal sel bar byed pa'o/ /dga' ba ni de'i rangs pa dang dga' bar byed pa'o/ /btang snyoms ni de'i rjes su chags pa dang / khong khro ba spong bar byed pa'o/ /
143b3 bden pa'i gtam ni de'i 'jig rten thams cad la mi slu bar byed pa ste/ klu'i bdag po 'di dag ni mi zad pa'i za ma tog gi gzungs kyi kha dog ni lus yin no/ /byang chub sems dpa' gang gzungs 'dis chos kyi kun dga' la dga' ba de ni rgyal po btsun mo'i 'khor gyi nang na
143b4 mgo bor gyur pa lta bu yin no/ /brgya byin ri rab kyi zom na bdag por 'gyur ba lta bu yang yin no/ /tshangs pa lta bur tshangs par gyur pa yang yin no/ /lha ma yin gyi dbang po sgra gcan lta bur lus khyad par du 'phags pa yang yin no/ /rgya mtsho gting dpag dka' zhing mu med
143b5 pa lta bu yang yin no/ /ri rab lta bur bsod nams dag gis mngon par 'phags pa yang yin no/ /lha rnams kyi snying du sdug pa dang / yid du 'ong ba yang yin no/ /pha ma'i bu gcig pa lta bu yang yin no/ /nam mkha'i dkyil na zla ba nya ba 'dug pa lta bur blta na sdug pa yang
143b6 yin no/ /ston pa lta bur lha dang mi rnams kyis phyag byas pa'i gnas kyang yin no/ /nyi ma shar ba lta bur snang ba byed pa yang yin no/ /nags na 'dug pa'i rma bya lta bur skad snyan pa yang yin no/ /ri'i phug na 'dug pa'i seng ge lta bur chos kyi sgra chen po sgrogs pa yang yin no/ /
143b7 sems shin tu dul ba'i glang po che lta bur cang shes kyi zas la longs spyod pa yang yin no/ /chos kyi rgyal po 'khor los sgyur ba lta bur chos kyi rgyal srid ston pa yang yin no/ /klu'i tshogs rtse ba lta bur chos kyi sprin 'gyed pa yang yin no/ /klu'i bdag po char chen po 'bebs pa
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo