| e-texts navigator |
| བོད་ཡིག |
143a1 lam bzang po ston pa'o/ /thar pa'i lam du khrid pa'o/ /'grogs na bde ba'i mdza' bshes dang / mdza' bo'i mchog dang ldan pa'o/ /sems can thams cad kyi rtsa lag go/ /snying rje chen po dang ldan pa'o/ /sems can thams cad kyi phan pa tshol ba'o/ /
143a2 skyes bu mchog go /skyes bu chen po'o/ /skyes bu dam pa'o/ /skyes bu khyu mchog go /skyes bu seng ge'o/ /skyes bu pad ma'o/ /skyes bu pad ma dkar po'o/ /skyes bu gces pa 'dzin pa'o/ /skyes bu gtso bo'o/ /skyes bu cang shes so/ /sems can thams
143a3 cad phongs pa dang / sdug bsngal ba las thar bar byed pa'o/ /sems can thams cad la snying brtse ba'o/ /sems can thams cad nges par sgrol ba'o/ /sems can thams cad kyi nyon mongs pa'i bag chags gcod pa'o/ /bdud rtsi'i chos kyi mchog ston pa'o/ /byang
143a4 chub sems dpa'i theg pa chen po yang dag par 'dzin pa'o/ /chos thams cad la dbang byed pa thob pa'o/ /sems can thams cad kyi bdag po'o/ /pha ma dang nye dur gyur pa'o/ /'jig rten gyi chos brgyad las yang dag par 'das pa'o/ /'jig rten thams cad kyi
143a5 rjes su 'thun pa'o/ /chos kyi dbang phyug go /sems la dbang byed pa'o/ /bstan bcos dang yi ge thams cad kyi dam pa'i pha rol tu phyin pa'o/ /byang chub dang thams cad mkhyen pa nyid ni de'i sems kyi grogs byed pa'o/ /sbyin pa'i pha rol tu phyin pa ni de'i gos dang /
143a6 zas dang / skom dang / bza' ba'i bya ba byed pa'o/ /tshul khrims kyi pha rol tu phyin pa ni de'i dus tshigs kyi bde ba byed pa'o/ /bzod pa'i pha rol tu phyin pa ni de'i thams cad las mi 'jigs par byed pa'o/ /brtson 'grus kyi pha rol tu phyin pa ni de'i legs par bya ba'i las
143a7 byed pa'o/ /bsam gtan gyi pha rol tu phyin pa ni de'i 'gyod pa med par byed pa dang / nye bar zhi bar byed pa'o/ /shes rab kyi pha rol tu phyin pa ni de'i chos thams cad yongs su dag par byed pa'o/ /thabs la mkhas pa'i pha rol tu phyin pa ni de'i gnyi ga'i don byed pa'o/ /
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo