| e-texts navigator |
| བོད་ཡིག |
142a1 nyon mongs pa thams cad sreg pa'o/ /sems can thams cad yongs su smin par byed pa'o/ /chu bo bzhi las sgrol ba'o/ /bdud bzhi rnam par 'joms pa'o/ /sems can thams cad la 'dzum pa'i bzhin ston pa'o/ /sems can thams cad mgu
142a2 bar byed pa'o/ /shes rab rin po che'i sems yang dag par skyed pa'o/ /dkon mchog gsum gyi gdung mi 'chad par byed pa'o/ /phas kyi rgol ba thams cad yang dag par 'joms pa'o/ /nyon mongs pa'i mche ba phye mar rlog pa'o/ /gsang ba gsum gyi gsang sngags kyis
142a3 kun tu srung ba'i gzungs so/ /chos thams cad la rnam par lta ba'o/ /nyon mongs pa'i khur las sgrol ba'o/ /'jigs pa dang skrag pa thams cad dang bral ba'o/ /rgya che zhing zab pa'i chos la lta ba'o/ /seng ge'i rtsal spyod pa'o/ /sems can thams cad kyi nye bar 'tsho
142a4 ba'o/ /mya ngan las 'das pa'i lam du 'gro ba'o/ /g.yon phyogs kyi lam yongs su spong ba'o/ /g.yas phyogs kyi lam du 'dzud pa'o/ /de ltar ye shes rin po che dang ldan pa de ni sems can thams cad kyi spyod pa dang / bsam pa dang / cho ga shes pa'o/ /
142a5 mngon par shes pa lnga rtogs par khong du chud pa'o/ /bsam gtan rtse gcig pa la dga' ba'o/ /'phags pa'i bden pa bzhi'i kha dang ldan pa'o/ /spyan lnga'i mig bzang po dang ldan pa'o/ /nam mkha'i dkyil mtha' dag gi lus dang ldan pa'o/ /chos kyi
142a6 dbyings dang mnyam pa'i dpral ba dang ldan pa'o/ /de bzhin nyid kyi mgrin pa dang ldan pa'o/ /mi skye ba'i lce dang ldan pa'o/ /mnyam pa nyid dang ro gcig pa'o/ /chos thams cad la thos pa 'dzin pa'o/ /sgra thams cad rtogs pa'i thos pa dang ldan pa'o/ /dri la rjes su
142a7 chags pa med pa'o/ /dri la khong khro ba med pa'o/ /dri thams cad rig pa'o/ /dran pa nye bar gzhag pa bzhi'i mgo bo dang ldan pa'o/ /tshangs pa'i gnas pa bzhi'i skra dri zhim po dang ldan pa'o/ /rnam par thar pa gsum gyi gtsug phud dang ldan pa'o/ /yang dag par
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo