rKTs

e-texts navigator

Volume

Page

141b₁ dmigs pa rnams las 'byung ngo / /dper na yi ge rnams ni skad cig pa dang / ya ma brla dang / gsob dang / gsog yin la/ de rnams kyi byed pa po 'ga' yang med pa de bzhin du chos thams cad kyang skad cig pa dang / ya ma brla dang / gsob dang / gsog
141b₂ yin la de rnams kyi byed pa po 'ga' yang med do/ /dper na yi ge rnams ni chags pa yang med/ sdang ba yang med/ rmongs pa yang med par 'gyur la/ yi ge'i rnam par rig byed des kyang byis pa rnams rjes su chags pa'am/ khong khro ba'am/ rmongs par 'gyur ba de
141b₃ bzhin du chos thams cad kyang chags pa'ang med/ sdang ba yang med/ rmongs pa yang med par yongs su rtogs la mngon par zhen pas 'dod chags dang / zhe sdang dang / gti mug skye bar 'gyur ro/ /dper na yi ge'i brdas ni 'bras bu thob par yang bstan la yi ge rnams
141b₄ kyis thob pa yang med/ mngon sum du bya ba yang med pa de bzhin du chos rnam par gzhag pas 'bras bu thob pa bstan mod kyi/ 'di la chos 'ga'i 'thob pa'am/ mngon sum du bya ba yang med do/ /dper na chos gang yang yi ge rnams kyis ma bsdus pa med pa de bzhin du
141b₅ chos gang yang byang chub kyis ma bsdus pa med de/ klu'i bdag po de ltar na mi zad pa'i za ma tog gi gzungs la gnas pa'i byang chub sems dpa' ni yi ge rnams kho nas byang chub tshol bar byed do/ /yi ge rnams kho nas byang chub ston par byed do/ /yi ge rnams kho nas
141b₆ byang chub gleng bar byed do/ /yi ge rnams kho nas byang chub la reg par byed do// //bam po gsum pa/ klu'i bdag po byang chub sems dpa' ni mi zad pa'i za ma tog gi gzungs thob pas stobs bcu thob par 'gyur ro/ /mi 'jigs pa bzhi dang / ma
141b₇ 'dres pa brgyad dang / sangs rgyas kyi chos rnams dang / skyes bu chen po'i mtshan sum cu rtsa gnyis dang / dpe byad bzang po brgyad cu dang / bla na med pa'i shes rab thob par 'gyur te/ de'i shes rab de yang sems can thams cad gzugs med par sgrol ba'o/ /

_{iiif viewer powered by OpenSeadragon}

141a - 142a

Texts on this page