rKTs

e-texts navigator

Volume

Page

141a₁ thams cad spangs pa yin pas na chos thams cad kyi mngon par zhen pa med pa nyid ston to/ /chos thams cad da zhes bya ba yin pas na chos thams cad kyi lam chad pa nyid ston to/ /chos thams cad d+ha zhes bya ba yin pas na chos thams cad kyi mtha'
141a₂ yas pa dang yongs su chad pa med pa nyid ston to/ /klu'i bdag po 'di ni yi ge'i brda la 'jug pa zhes bya ba mi zad pa'i za ma tog gi gzungs la byang chub sems dpas gzungs thob nas yi ge thams cad kyi nges pa'i tshig gi dgongs pa rtog par 'gyur ba'o/ /klu'i bdag po dper
141a₃ na yi ge rnams mi zad pa de bzhin du chos thams cad kyi bstan pa mi zad do/ /dper na yi ge rnams ni lus sam sems gang nas kyang mi 'byung ba de bzhin du chos thams cad kyang gang nas kyang mi 'byung ste/ lus la yang mi gnas sems la yang mi gnas so/ /dper na yi ge rnams ni
141a₄ kun nas nyon mongs par yang mi 'gyur la kun nas nyon mongs par yang brjod do/ /rnam par byang bar yang mi 'gyur la rnam par byang ba yang brjod do de bzhin du mi zad pa'i za ma tog gi gzungs thob pa'i byang chub sems dpa' rnams kyang kun nas nyon mongs pa yang brjod la kun nas
141a₅ nyon mongs pa'i chos kyis kyang kun nas nyon mongs par mi 'gyur ro/ /rnam par byang ba'i chos kyang brjod la rnam par byang ba'i chos kyis kyang rnam par dag par mi 'gyur te shin tu rnam par dag pa'i phyir ro/ /dper na yi ge rnams ni gang nas kyang ma 'phos la go bar yang byed pa de
141a₆ bzhin du chos thams cad kyang gang nas kyang ma 'phos la go bar yang byed de/ gzhan gyi sems kyang rnam par dag par byed do/ /dper na yi ge brjod pa rnams kyang phyogs dang phyogs mtshams su 'gro ba med la ma brjod pa rnams kyang nang du sogs pa med pa de bzhin du chos brjod
141a₇ pa'am/ bstan pa thams cad kyang phyogs dang phyogs mtshams su 'gro ba med la ma bstan pa rnams kyang nang du sogs pa med do/ /dper na yi ge rnams ni gzugs med cing bstan du med par 'byung ba de bzhin du chos thams cad kyang gzugs med cing bstan du med par sems kyi

_{iiif viewer powered by OpenSeadragon}

140b - 141b

Texts on this page