rKTs

e-texts navigator

Volume

Page

137a₁ ma byon pa dang / da ltar byung ba'i sangs rgyas bcom ldan 'das rnams kyis gsungs pa dang / gsung ba dang gsung bar 'gyur ba'i phyir ro/ /de lta bas na yi ge thams cad dang / tshig thams cad ni sangs rgyas kyi gsung yin te/ de lta bu'i tshig gi
137a₂ don de la 'jug pa gang yin pa 'di ni byang chub sems dpa'i don so so yang dag par rig pa zhes bya'o/ /yi ge thams cad dang / tshig thams cad ni sangs rgyas kyi gsung yin te/ de la chos kyi dbyings dbyer med cing ro gcig par shes pa gang yin pa 'di ni byang chub
137a₃ sems dpa'i chos so so yang dag par rig pa zhes bya'o/ /yi ge thams cad dang / tshig thams cad ni sangs rgyas kyi gsung yin te/ de la ci rigs par chos la dpyod pa shes pa gang yin pa 'di ni byang chub sems dpa'i nges pa'i tshig so so yang dag par rig pa zhes bya'o/ /
137a₄ yi ge thams cad dang tshig thams cad ni sangs rgyas kyi gsung yin te/ de la ci rigs pa'i gnas las chags pa med par ston pa shes pa gang yin pa 'di ni byang chub sems dpa'i spobs pa so so yang dag par rig pa zhes bya'o/ /klu'i bdag po de ltar na so so yang dag
137a₅ par rig pa bzhis ma bsdus pa'i chos gang yang med la/ so so yang dag par rig pa thob pa'i byang chub sems dpa' yang yi ge ci yang rung ba de dang / tshig ci yang rung ba de dang / nges pa'i tshig gang yang rung ba gang yin pa de ni sangs rgyas kyi gsung yin no zhes bya ba
137a₆ la 'jug ste/ des na de ni chags pa med cing thogs pa med par bskal pa stong gi bar du yang ston cing 'chad de thogs pa yang med do/ /de ci'i phyir zhe na/ klu'i bdag po 'di ni mi zad pa'i za ma tog ces bya ba'i gzungs yin te/ gzungs de thob pa'i byang chub
137a₇ sems dpa' ni tshig dang yi ge mi zad pa'i mos pa'i tshig legs pa byas pa rnams dang / sngon gyi mtha' dang phyi ma'i mtha'i phan tshun gyi nyes pa spangs pa rnams dang / thogs pa med pa rnams dang / 'thad pa rnams dang / kun rdzob kyi bden pas brgyan pa rnams dang / don

_{iiif viewer powered by OpenSeadragon}

136b - 137b

Texts on this page