rKTs

e-texts navigator

Volume

Page

136a₁ dam par ni ma yin pa dang / des ci yang thob pa med la/ ma thob pa yang med pa dang / blangs pa yang med bor ba yang med pa ste/ klu'i bdag po de ltar na nges par 'byung ba'i chos gang dag yin pa rnams ston cing 'chad pa gang gis nyan thos rnams kyis nyan thos kyi shes
136a₂ pa thob pa dang / rang sangs rgyas rnams kyis rang sangs rgyas rnams kyi shes pa 'thob pa dang / byang chub sems dpa' rnams kyis mi skye ba'i chos rnams la bzod pa 'thob pa dang / de bzhin gshegs pa rnams kyi bla na med pa yang dag par rdzogs pa'i byang chub mngon par rdzogs
136a₃ par 'tshang rgya bar 'gyur ba 'di ni sangs rgyas kyi gsung zhes bya'o/ /de yang kun rdzob kyi gzhi'i gnas las brten pa yin gyi don dam par ni ji ltar yang sangs rgyas kyi gsung tha snyad du gdags par mi nus te/ sangs rgyas kyi gsung ni tshig med pa'o/ /sangs rgyas kyi gsung ni
136a₄ ngag med pa/ sgra med pa/ tshig gi lam med pa/ brjod du med pa/ rnam par rig par byed pa med pa/ gdags pa med pa/ ming med pa/ mtshan ma med pa/ bye brag phyed pa med pa/ rnam par shes pa med pa/ bsam du med pa/ bsam gyis mi khyab pa la
136a₅ 'jug pa ste/ rab tu dbye ba dang / brda sprad pa dang / nye bar bstan par mi nus so/ /klu'i bdag po sangs rgyas kyi gsung ni de lta bu yin no/ /de ci'i phyir zhe na/ klu'i bdag po nga ni yi ge 'dod pa'i sems can rnams la chos mi ston mod kyi/ 'on kyang yi ge yongs
136a₆ su shes par bya ba'i phyir chos ston te/ de bas na sangs rgyas kyi gsung ni yi ge med pa'o/ /klu'i bdag po nga ni brjod pa 'dod pa la chos mi ston mod kyi/ 'on kyang brjod pa thams cad bstsal ba'i phyir chos ston te/ de bas na sangs rgyas kyi gsung ni brjod du med
136a₇ pa'o/ /klu'i bdag po nga ni rnam par rig par byed pa la mngon par zhen par bya ba'i phyir chos mi ston mod kyi/ 'on kyang rnam par rig par byed pa dang / yongs su rtog pa thams cad nye bar zhi bar bya ba'i phyir chos ston te/ de lta bas na sangs rgyas kyi gsung ni rnam par rig

_{iiif viewer powered by OpenSeadragon}

135b - 136b

Texts on this page