rKTs

e-texts navigator

Volume

Page

135b₁ gang dag yin pa 'di lta ste mi rtag pa'i don dang / sdug bsngal ba'i don dang / bdag med pa'i don dang / zhi ba'i don dang / sdug bsngal yongs su shes pa'i don dang / kun 'byung ba spong ba'i don dang / 'gog pa mngon sum du bya ba'i don dang / lam sgom pa'i don dang /
135b₂ stong pa nyid sgom pa'i don dang / mtshan ma med pas nges par rgal ba'i don dang / smon pa med pas nges par 'byung ba'i don dang / mngon par 'du bya ba med pa dang / ma skyes pa dang / ma byung ba'i don dang / dran pa nye bar gzhag pa bzhi dang / yang dag par spong ba dang /
135b₃ rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang zhi gnas dang / lhag mthong gi don dang / ji lta ba bzhin du rang bzhin gyis ma skyes pa'i don dang / phung po dang khams dang skye mched dben pa'i don dang / chos gang
135b₄ rjes su rtogs nas chos rnams dang / chos ma yin pa rnams gnyis su mi 'byed pa dang / chos thams cad kyang bstan du mngon par mi 'grub par rab tu shes pa dang / skye ba med pa dang / chad pa med pa dang / rtag pa med pa dang / rten cing 'brel par 'byung ba
135b₅ thob pa rnams dang / rang bzhin gyis 'dod chags dang bral ba thob pa rnams dang / de ltar 'dus ma byas pa'i chos mthong bas yang dag par nges pa la 'jug la/ chos rnams kyi nges pa la yang mi rtog rtog pa dang / rnam par rtog pa dang / yongs su rtog pa thams
135b₆ cad dang yang bral ba dang / phri ba yang med bsnan pa yang med pa dang / mun pa yang med snang ba yang med pa dang / nam mkha'i ngo bo nyid dang mnyam pa nyid thob pa dang / rang bzhin gyi mtshan nyid dang / mnyam pa'i mtshan nyid dang / mtshan nyid med pa dang / mtshan
135b₇ nyid med pa ma yin pa dang / mtshan nyid med par mtshan nyid gcig pa dang / 'du shes thams cad dang bral ba dang / rig pa med pa dang / tshor ba thams cad rgyun gcad pa dang / phyin ci log mnyam pa nyid du mthong ba ni tha snyad kyi sgo nas 'bras bu thob pa zhes bya ste/ don

_{iiif viewer powered by OpenSeadragon}

135a - 136a

Texts on this page