| e-texts navigator |
| བོད་ཡིག |
133b1 chos rnams dang / slob pa'i chos rnams dang / mi slob pa'i chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams 'dogs par mdzad de/ klu'i bdag po de ltar na de bzhin gshegs pa ni de ltar
133b2 chos rnam par gzhag pa bstan pa yang ston par mdzad la/ chos gang la yang mtshan mar yang dag par rjes su mi gzigs so/ /klu'i bdag po dper na mi la la zhig skyes la/ des nam mkha'i khams gzugs med cing bstan du med pa 'di la tshon rtsi thams cad kyis
133b3 ri mor bris te/ lha'i gzugs rnams kyang der bstan/ mi'i gzugs rnams dang / rta dang / glang po che dang / shing rta dang / dpung bu chung dang / bzhon pa rnams kyang der bstan na/ klu'i bdag po 'di ji snyam du sems/ ci mi de dka' ba byed pa yin nam/
133b4 gsol pa/ bcom ldan 'das dka' ba bgyid pa lags so/ /bde bar gshegs pa dka' ba bgyid pa lags so/ /bcom ldan 'das kyis bka' stsal pa/ klu'i bdag po de bas na gang gzugs med cing bstan du med pa/ gzung du med pa/ yi ge med pa/
133b5 brjod du med pa'i chos 'di sems can gzhan rnams dang / gang zag gzhan rnams la brda sprad cing yi ge rnams kyis mtshon te/ thabs sna tshogs kyis go bar byas pa de/ de bzhin gshegs pas ches dka' ba mdzad pa yin no/ /klu'i bdag po de bas kyang gang dag
133b6 'di ltar bstan pa'i chos 'di dag la mos par 'gyur ba'am/ 'jug par 'gyur ba de dag ni ches ngo mtshar che ba byed pa yin no/ /klu'i bdag po gzhan yang zab mo'i tshul 'di la 'jug pa'i sems can gang yin pa de dag ni sngon gyi de bzhin gshegs pa rnams la yongs su sbyang ba
133b7 byas pa yin te/ de dag la ni bdud sdig can gyis kyang glags mi rnyed do/ /klu'i bdag po ngas mngon par shes pa 'das pa'i dus na/ sangs rgyas bcom ldan 'das tshad med pa ngas mnyes par byas te/ mchod pa yang byas/ de dag gi bstan pa la yang nga rab tu byung ste/
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo