| e-texts navigator |
| བོད་ཡིག |
132a1 mig gis chos de dag lhag par mthong ba ma yin no/ /de dag zhi ba kho nar lhag par mthong gi ma zhi bar lhag par mthong ba ma yin no/ /de bzhin du chos rnams rgyu ba med pa dang / gnas pa med pa dang / dben pa dang / yongs su grub pa med
132a2 par lhag par mthong ngo / /de ltar mthong ba gang yin pa de ni chos thams cad lhag par mthong ba'o/ /des chos thams cad lhag par mthong ba ni/ gal te chos 'ga' zhig mthong na ni lhag mthong ma yin te/ de ci'i phyir zhe na/ chos mthong bas ni lhag mthong skyes pa ma
132a3 yin la/ shes pa ni mi shes pa yin pa'i phyir ro/ /ma mthong ba ni chos lhag par mthong ba yin la/ bdag ma mthong ba dang / sems can ma mthong ba dang / srog dang / gso ba dang / skyes bu dang / gang zag ma mthong ba ni chos lhag par mthong ba yin te/
132a4 de ltar na byang chub sems dpa' ni chos de dag kyang ji lta ba bzhin du mthong la/ sems can rnams kyang phyin ci log tu gyur par mthong nas/ de'i tshe byang chub sems dpa' de kye ma chos 'di dag ni 'di ltar dag na sems can 'di dag ni/ kun nas nyon mongs so snyam nas
132a5 sems can rnams la ches brten par snying rje chen po skye'o/ /de bas na de sems can rnams rab tu grol bar bya ba'i phyir/ snying brtse ba chen po skyed do/ /sems can de dag kyang rtag tu sems can med pa kho na ste/ 'di ni byang chub sems dpa' shes rab kyi gnas la
132a6 gnas pa'i chos lhag par mthong ba'o/ /de la byang chub sems dpa' shes rab kyi gnas la gnas pa'i sems can yongs su smin par bya ba gang zhe na/ klu'i bdag po 'di la byang chub sems dpa' ni sems can med pa'i phyir/ sems can rnams yongs su smin par byed do/ /
132a7 sems can bdag med pa dang / sems can la sems can med pa dang / sems can dben pa dang / sems can rang bzhin gyis sems can du brjod pa tsam du zad pa dang / sems can du gdags pa tsam du zad pa dang / sems can stong pa dang / sems can mtshan
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo