rKTs

e-texts navigator

Volume

Page

131b₁ skyed par yang mi byed/ 'bri bar yang mi byed pa dang / yul thams cad la yang mi rten par bsam gtan byed la/ chos thams cad dang 'thun pa dang mi 'thun pa med par yang bsam gtan byed pa dang / lus dang sems kyis kyang bsam gtan gyi yan lag
131b₂ dang / bsam gtan gyi bsam pa dang / bsam gtan gyi sbyor ba de dag mngon par sgrub par mi byed pa dang / de snyoms par 'jug pa na ci nas de bzhin nyid dang / yang dag pa'i mtha' dang / chos kyi dbyings kyis snyoms par 'jug pa de lta bus snyoms par 'jug
131b₃ pa dang / de sems can thams cad mnyam pa nyid dang / chos thams cad la sgro mi 'dogs pas snyoms par 'jug pa ste/ de de ltar ting nge 'dzin sgom pa'i sbyor ba la brtson pa na/ nang dang phyi rol gyi lus dang sems la yang mi gnas la/ phyi rol gyi yul la
131b₄ yang sems mi gnas pa de ni mi gnas pa'i rnam par shes pa ste/ dmigs pa can gyi rang bzhin gyi snyoms par 'jug pa thams cad kyang zil gyis gnon la/ phyi rol gyi drang srong mngon par shes pa lnga dang ldan pa rnams dang / nyan thos dang / rang sangs rgyas thams
131b₅ cad dang / bsam gtan dang / bsam gtan la snyoms par 'jug pa thams cad kyang zil gyis gnon to/ /de dge ba'i rtsa ba rnams dang / bsam gtan de dag kyang shes rab kyi shas che ba dang / lta ba'i nyon mongs pa dang bral ba yin la/ byang chub tu yongs
131b₆ su bsngos pa yang yin pa dang / sems can yongs su smin par byed pa yang sgrub pa yin te/ de lta bas na de bzhin gshegs pa ni snyoms par 'jug pa gcig gis yongs su mya ngan las 'da' ba'i mtha'i bar du thug par mdzad de/ 'di ni byang chub sems dpa'
131b₇ shes rab kyi gnas la gnas pa'i bsam gtan no/ /de la byang chub sems dpa' shes rab kyi gnas la gnas pa'i chos lhag par mthong ba gang zhe na/ des chos gang lhag par mthong ba de dag shes rab kyi mig kho nas lhag par mthong gi/ sha'i mig dang / lha'i

_{iiif viewer powered by OpenSeadragon}

131a - 132a

Texts on this page