| e-texts navigator |
| བོད་ཡིག |
131a1 mthong la/ mi bden pa phyin ci log la 'jig rten gnas pa yang mthong ba dang / des de ltar shes rab rnam par dag pa'i sgo nas chos thams cad la rnam par lta ba na chos rnams 'phel bar yang mi byed/ 'grib pa yang mi byed pa dang / chos
131a2 thams cad spungs pa'i rang bzhin ma yin pa dang / yul na mi gnas pa dang / phyogs na mi gnas pa dang / gang nas kyang mi 'ong ba dang / gang du yang mi 'gro bar rab tu shes te/ de de lta bu'i chos dang ldan pas phyin ci log pa yang dag pa ji lta ba bzhin du yongs
131a3 su shes par bya ba'i phyir/ sems can rnams la chos ston pa'i brtson 'grus rtsom la/ sems can de dag kyang yang dag par mi dmigs te/ sems can mi dmigs pa gang yin pa de nyid de'i chos thams cad mi dmigs pa'o/ /de ci'i phyir zhe na/ sems can la
131a4 ma gtogs pa'i chos gang yang med pa la/ chos la ma gtogs pa'i sems can rnams kyang med mod kyi/ 'on kyang chos kyi ngo bo nyid gang yin pa de ni bdag gi ngo bo nyid do/ /bdag gi ngo bo nyid gang yin pa de ni chos thams cad kyi ngo bo nyid do/ /chos
131a5 thams cad kyi ngo bo nyid gang yin pa de ni sangs rgyas kyi chos rnams kyi ngo bo nyid do/ /ngo bo nyid mnyam pa nyid 'dis sangs rgyas kyi chos thams cad tshol ba gang yin pa dang / btsal nas kyang chos kyang mi dmigs/ chos ma yin pa yang mi dmigs pa dang /
131a6 tshol ba na yang gang gis btsal ba dang / gang btsal ba dang / sus btsal ba de dag thams cad mi dmigs pa 'di ni byang chub sems dpa' shes rab kyi gnas la gnas pa'i brtson 'grus zhes bya'o/ /de la byang chub sems dpa' shes rab kyi gnas la gnas pa'i
131a7 bsam gtan gang zhe na/ bsam gtan rnams la yang snyoms par 'jug la/ mnyam pa nyid las kyang nyams par yang mi 'gyur/ phun sum tshogs par yang mi 'gyur ba gang yin pa dang / de bsam gtan kyang bsam gtan du byed la/ chos gang yang
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo