| e-texts navigator |
| བོད་ཡིག |
130a1 chos rnams lhag par mthong bar byed/ sems can rnams yongs su smin par byed do/ /klu'i bdag po de la ji ltar na byang chub sems dpa' shes rab kyi gnas la gnas nas sbyin pa sbyin par byed ce na/ klu'i bdag po 'di la sbyin pa mnyam pa nyid kyis
130a2 bdag mnyam pa nyid do/ /bdag mnyam pa nyid kyis sems can mnyam pa nyid do/ /sems can mnyam pa nyid kyis chos mnyam pa nyid do/ /chos mnyam pa nyid kyis byang chub mnyam pa nyid de/ mnyam pa nyid 'di dag kyang mi spong la sbyin pa yang sbyin par byed de/ sbyin pa de
130a3 yang nyon mongs pa'i dbang gis sbyin par mi byed do/ /des de ji lta ji ltar yongs su 'jal ba de kho na bzhin du nyon mongs pa thams cad yongs su gtong bar byed de/ nyon mongs pa thams cad yongs su gtong ba dang / lta ba'i rnam pa thams cad nye bar zhi ba dang / rtsod
130a4 pa thams cad 'dor ba gang yin pa de ni gtong ba'i mchog yin te/ klu'i bdag po 'di ni byang chub sems dpa' shes rab kyi gnas la gnas pa'i sbyin pa yongs su gtong ba'o/ /de la byang chub sems dpa' shes rab kyi gnas la gnas pa'i tshul khrims gang zhe na/
130a5 lus dang ngag dang sems dben par mthong ba gang yin pa de ni tshul khrims yongs su srung ba ste/ lus dang ngag dang sems la yang mi rten/ 'jig rten 'di la yang mi rten/ 'jig rten pha rol la yang mi rten/ nang la yang mi rten/ phyi rol la yang mi rten/ phung
130a6 po la yang mi rten/ khams la yang mi rten/ skye mched la yang mi rten/ byang chub la yang mi rten/ mya ngan las 'das pa la yang mi rten/ chos thams cad la yang mi rten par tshul khrims srung bar byed la/ tshul khrims des kyang rlom sems su mi byed cing shin
130a7 tu rlom sems su mi byed pa 'di ni/ byang chub sems dpa' shes rab kyi gnas la gnas pa'i tshul khrims zhes bya'o/ /de la byang chub sems dpa' shes rab kyi gnas la gnas pa'i bzod pa gang zhe na/ bzod pa gang sgom pa na bdag dang sems can dang / srog
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo