rKTs

e-texts navigator

Volume

Page

129b₁ 'byung ba'i 'od can zhes bya ba'i nor bu rin po che chen po stong gsum gyi stong chen po'i 'jig rten gyi khams ri ba gang yin pa de bcom ldan 'das la chos kyi dgab par phul lo/ /nor bu rin po che de'i 'od kyis kyang nyi ma dang zla ba gnyis kyi 'od mog mog por byas so/ /'khor thams
129b₂ cad kyang ngo mtshar du gyur nas/ bcom ldan 'das la phyag 'tshal zhing tshig 'di skad du a la la sangs rgyas byung ba ni ngo mtshar che ste/ de byung bas ni 'di ltar ya mtshan du rung zhing rmad du byung ba'i chos dag kyang snang ngo zhes smras so/ /de nas klu'i rgyal po rgya mtshos bcom ldan
129b₃ 'das la mngon par dgab pa byas nas 'di skad ces gsol to/ /bcom ldan 'das dge ba'i rtsa ba 'dis na bdag sangs rgyas kyi sku'i 'od dri ma ma mchis pa thob par gyur cig /'od des kyang phyogs bcu'i sangs rgyas kyi zhing thams cad snang bar gyur cig /sems can
129b₄ gang la 'od des phog pa de dag kyang nyon mongs pa thams cad kyis gnod par ma gyur cig / de bzhin gshegs pa'i smin mtshams kyi mdzod spu ci 'dra ba de lta bu yang bdag gis thob par gyur cig /byang chub kyi lam shes pa sgrib pa ma mchis pa yang thob par gyur cig /lam
129b₅ shes pa des kyang sems can lam log pa la zhugs pa rnams yang dag pa'i lam la 'god par gyur cig / bcom ldan 'das gzhan yang ji ltar na byang chub sems dpa' mun pa mun nag dang bral te/ lam shes pa thob par 'gyur lags/ de skad ces
129b₆ gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to/ /klu'i rgyal po 'di la byang chub sems dpa' shes rab kyi dbang gis byung ba/ shes rab kyi sgron ma lag na thogs pa/ shes rab kyi shes pa can/ shes rab kyi sngon du
129b₇ 'gro ba/ shes rab kyi mtshon cha can/ shes rab kyis bya ba byed pa de ni shes rab kyi gnas la gnas nas sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan snyoms par 'jug par byed/

_{iiif viewer powered by OpenSeadragon}

129a - 130a

Texts on this page