rKTs

e-texts navigator

Volume

Page

128b₁ klu'i bdag po chos gsum po de dag dang ldan na byang chub sems dpa' bzod pa thob pa yin no/ /klu'i bdag po chos bzhi dang ldan na byang chub sems dpa' sangs rgyas bcom ldan 'das rnams kyis lung ston par mdzad de/ bzhi gang zhe na/ chos rnams la lhag pa'i bsam
128b₂ pas sgrub pa dang / dkar po rnam par mthong bas spyod pa la spyod pa yongs su rdzogs pa dang / sems can gyi bsam pa rnams la ye shes kyi stobs bskyed pa thob pa dang / shin tu med pa'i phyir rang bzhin gyis ma skyes ma byung ba'i chos rnams rab tu shes pa ste/ klu'i
128b₃ bdag po chos bzhi po de dag dang ldan na byang chub sems dpa' sangs rgyas bcom ldan 'das rnams kyis lung ston par mdzad do/ /bstan pa 'di bshad pa na lha dang klu dang / gnod sbyin dang / dri za dang lha ma yin dang / nam mkha' lding dang / mi'am ci dang / lto 'phye
128b₄ chen po dang / mi dang mi ma yin pa khrag khrig phrag bcu gnyis ni bla na med pa yang dag par rdzogs pa'i byang chub tu sems skyes so/ /byang chub sems dpa' bdun khri nyis stong gis ni mi skye ba'i chos rnams la bzod pa thob bo/ /dge slong khri bzhi stong ni chos rnams la chos
128b₅ kyi mig rdul med cing dri ma dang bral ba rnam par dag go/ /dge slong ma brgyad stong ni len pa med par zag pa rnams las sems rnam par grol lo/ /lha'i bu lnga stong gis ni 'dod chags dang bral ba thob bo/ /stong gsum gyi stong chen po'i 'jig rten gyi khams 'di yang de'i
128b₆ tshe rnam pa drug tu g.yos so/ /'jig rten yang snang ba chen pos khyab par gyur to/ /me tog gi char chen po yang bab bo/ /lha'i bu rnams kyis kyang bar snang las sil snyan brgya stong dag dkrol te ched du brjod pa 'di skad kyang ched du brjod de/ a la la de bzhin gshegs
128b₇ pas ni chos kyi 'khor lo gnyis pa bskor ba 'di chos kyi rnam grangs 'di las bskor to/ /yul bA rA Na sI drang srong smra ba kyi nags su chos kyi 'khor lo bskor ba gang yin pa dang / chos kyi rnam grangs 'di las bskor ba gang yin pa 'di ni mtshungs so/ /de ci'i

_{iiif viewer powered by OpenSeadragon}

128a - 129a

Texts on this page