rKTs

e-texts navigator

Volume

Page

128a₁ sdug pa dang mi sdug pa thams cad yongs su gtong ba la 'gyod pa med pa ste/ klu'i bdag po chos brgyad po de dag dang ldan na byang chub sems dpa' phyir mi ldog pa'i chos la yang dag par gzhol ba yin no/ /klu'i bdag po chos lnga dang ldan na byang chub sems
128a₂ dpa' bla na med pa yang dag par rdzogs pa'i byang chub las phyir mi ldog pa yin te/ lnga gang zhe na/ pha rol tu phyin pa thams cad yongs su rdzogs pa yin te thabs la mkhas pa dang / chos thams cad ji lta ba la mkhas pa yin te chos zab mo'i tshul la gnas pa dang / mngon
128a₃ par shes pa ma nyams pa yin te sems can thams cad kyi dbang po'i rig pa'i cho ga shes pa dang / legs par khong du chud pa shes pa yin te chags pa med par spyod pa dang / zad mi shes pa mngon par sgrub pas kyang rten cing 'brel par 'byung ba la spyod par byed la zag pa thams
128a₄ cad kyang zad par byed pa ste/ klu'i bdag po chos lnga po de dag dang ldan na byang chub sems dpa' bla na med pa yang dag par rdzogs pa'i byang chub las phyir mi ldog pa yin no/ /klu'i bdag po chos gsum dang ldan na byang chub sems dpa' bzod pa thob pa yin te/ gsum gang zhe na/
128a₅ sems can yongs su dag par bya ba'i phyir ba dag med pa dang / chos yongs su dag par bya ba'i phyir dben pa dang / ye shes yongs su dag par bya ba'i phyir chags pa med pa ste gsum po de dag go/ /gzhan yang gsum ste/ sngon gyi mtha' rnam par dag par bya ba'i phyir mi zad
128a₆ pa'i chos nyid dang / phyi ma'i mtha' rnam par dag par bya ba'i phyir mi skye ba'i chos nyid dang / da ltar byung ba'i chos rnam par dag par bya ba'i phyir legs par gnas pa'i chos nyid de/ gsum po de dag go/ /klu'i bdag po gzhan yang chos gsum dang ldan na byang chub sems
128a₇ dpa'i bzod pa thob pa yin te/ gsum gang zhe na/ lus yongs su dag par bya ba'i phyir bsod nams kyis nye bar brtan pa dang / ngag yongs su dag par bya ba'i phyir ye shes mtha' yas pa dang / sems yongs su dag par bya ba'i phyir ting nge 'dzin la dmigs pa ste/

_{iiif viewer powered by OpenSeadragon}

127b - 128b

Texts on this page