rKTs

e-texts navigator

Volume

Page

127a₁ ba dang / brtson pa brtan pas sems can la bde ba sbyin pa dang / snying rje chen po dang / sems can rnams kyi spyod pa ji lta ba de lta bu'i spyod pa la rjes su 'jug pa dang / gong du yang yon tan khyad par can la yang 'god par byed pa ste/ klu'i
127a₂ bdag po chos lnga po de dag dang ldan na byang chub sems dpa' sems can yongs su smin par byed pa yin no/ /klu'i bdag po chos drug dang ldan na byang chub sems dpa' 'dzin pa dang / klog pa dang / brda sprod pa la mkhas pa yin te/ drug gang zhe na/ gzungs
127a₃ thob pa dang / dran pa dang shes bzhin gyis sgrub pa dang / yang dag pa la tshul bzhin du 'jug pa dang / sems kyi rjes su 'jug pa shes pa dang / thogs pa med pa'i spobs pa thob pa dang / dgongs pa'i tshig ston pa'i shes pa la mkhas pa ste/ klu'i bdag po
127a₄ chos drug po de dag dang ldan na byang chub sems dpa' 'dzin pa dang / klog pa dang / brda sprod pa la mkhas pa yin no/ /klu'i bdag po chos brgyad dang ldan na byang chub sems dpa' bdud phyir rgol ba bcom pa yin te/ brgyad gang zhe na/ sgyu ma'i chos nyid phung po lnga
127a₅ yongs su shes pa dang yang ldan la 'jig tshogs la lta ba'i nyon mongs pa dang bral te/ stong pa nyid la spyod yul ba yang yin pa dang / 'du byed thams cad kyi skye ba med par yang rab tu shes la sems can yongs su smin par bya ba'i phyir bsams bzhin du skye bar yang byed pa
127a₆ dang / brtson 'grus brtan pas byang chub kyi bsam pa yang yongs su mi gtong la khams gsum pas kyang yid rtag tu skrag pa dang / mngon par 'du byed pa med pa yang mi ltung la thams cad mkhyen pa'i ye shes kyang yongs su tshol ba dang / sems can rnams la yang lta la/
127a₇ bsod nams kyi tshogs kyang sogs pa dang / mi rtag pa'i mtshan nyid la yang yid ches la ye shes kyi tshogs kyang sogs pa dang / nyan thos dang / rang sangs rgyas kyi shes pa la yang ma chags pa ste/ klu'i bdag po chos brgyad po de dag dang ldan na byang chub

_{iiif viewer powered by OpenSeadragon}

126b - 127b

Texts on this page