rKTs

e-texts navigator

Volume

Page

126b₁ dang ldan na byang chub sems dpa' sgrib pa med pa'i ye shes mthong ba la 'jug pa yin no/ /klu'i bdag po de la sgrib pa med pa'i ye shes mthong ba gang zhe na/ nyon mongs pa thams cad kyang mthong la bag chags kyi mtshams sbyor ba'i rnam pa'i nyon mongs pa thams cad kyang
126b₂ yang dag par bcom pa gang yin pa dang / 'khor ba yang mthong la mya ngan las 'das pa la yang yang dag par gzhol ba dang / nyan thos dang / rang sangs rgyas kyis yang mthong la byang chub kyi snying po la yang yang dag par gzhol ba dang / sems can gyi spyod pa'i rjes
126b₃ su yang 'jug la sems can gyi spyod pa dben par yang shes pa ste/ 'di ni sgrib pa med pa'i ye shes mthong ba zhes bya'o/ /gzhan yang sgrib pa med pa'i ye shes mthong ba ni 'dus byas kyi bya ba thams cad kyi rjes su yang 'jug la/ 'dus ma byas pa yang thob pa gang yin pa
126b₄ dang / 'dus byas thams cad kyi nye bar zhi ba yang mthong la 'dus ma byas kyang thob pa'o/ /klu'i bdag po byang chub sems dpa' ni 'dus byas la spyod pa na yang 'dus ma byas shes pas sgrib pa med pa la/ 'dus ma byas pa thob pa la yang 'dus ma byas kyi chos rnams
126b₅ kyis sgrib pa med de/ der sgrib pa med pa'i ye shes gang yin pa de ni byang chub sems dpa'i sgrib pa med pa'i ye shes mthong ba zhes bya'o/ /klu'i bdag po chos bzhi dang ldan na byang chub sems dpa' sems can gyi spyod pa dang / bsam pa dang cho ga shes pa yin te/
126b₆ bzhi gang zhe na/ 'jig rten gyi rjes su 'jug pa'i shes pa dang / snyoms par 'jug pa la mkhas pa'i shes pa dang / shes pa dang / bsam pa las su rung ba'i bsam pa dang / sems la dbang byed pa'i thabs te/ klu'i bdag po chos bzhi po de dag dang ldan na
126b₇ byang chub sems dpa' sems can gyi spyod pa dang / bsam pa dang cho ga shes pa yin no/ /klu'i bdag po chos lnga dang ldan na byang chub sems dpa' sems can rnams yongs su smin par byed pa yin te/ lnga gang zhe na/ bdag gi bde ba la mi lta bas yid yongs su mi skyo

_{iiif viewer powered by OpenSeadragon}

126a - 127a

Texts on this page