rKTs

e-texts navigator

Volume

Page

125b₁ yin pa de bas ni byang chub sems dpa'i lha'i mig de ches 'das pa dang / ches gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/ de'i lha'i mig des ni de bzhin gshegs pa'i spyan gyi yul ma gtogs par sems
125b₂ can du snang ba'am/ gzugs su snang ba'am/ chos su snang ba gang yang mi rtogs pa dang / mi mthong ba dang / mi shes pa ci yang med do/ /klu'i bdag po de la nyan thos dang / rang sangs rgyas rnams kyi lha'i rna ba gang yin pa nas mi dang mi ma yin pa'i bar
125b₃ rnams kyi lha'i rna ba gang yin pa de bas ni byang chub sems dpa'i lha'i rna ba de ches 'das pa dang / ches gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/ de lha'i rna ba'i dbang po des ni de bzhin gshegs
125b₄ pa'i snyan gyi yul ma gtogs pa sgrar grag pa gang yang thos par mi 'gyur ba ci yang med de/ des ni sgra thams cad kyi sngon gyi mtha' dang / phyi ma'i mtha' yongs su gcod pa rab tu shes so/ /klu'i bdag po de la byang chub sems dpas ni sems can thams cad kyi
125b₅ sems kyi rgyu ba dang / sems kyi dmigs pa dang / sems kyi mtshan ma dang / sems kyi dpyod pa dang / sems kyi rgyu dang / sems kyi bsam pa dang / sems kyi 'bras bu dang / sems kyi nges pa dang / sems kyi brtag pa dang / sems kyi rnam pa sna
125b₆ tshogs dang / sems kyi rjes su chags pa dang / sems kyi khong khro ba dang / sems rnam par g.yengs pa dang / sems bsdu ba dang / sems bral bar g.yo ba dang / sems lhag par g.yo ba dang / sems bskul ba dang / sems gnas pa dang / sems
125b₇ kyi sngon gyi mtha' dang / sems kyi phyi ma'i mtha' dang / sems kyi da ltar byung ba dang / sems kyi gnas dang / sems kyi gnas pa thams cad yang dag pa ji lta ba bzhin du rab tu shes te/ shes nas kyang de bzhin du des sems can de dag la chos dang ldan pa'i

_{iiif viewer powered by OpenSeadragon}

125a - 126a

Texts on this page