| e-texts navigator |
| བོད་ཡིག |
122b1 sems dpa' rnams thos pa sgrub pas mngon par 'phags par 'gyur ro/ /klu'i bdag po byang chub sems dpa' rnams ni phan yon rnam pa lnga po 'di dag yang dag par mthong nas/ rab tu 'byung ba la mos par 'gyur te/ lnga gang zhe na/ bdag gis las byas pa chud za bar mi
122b2 'gyur ba dang / bdag gis byas pa'i bag chags kyis bsgo bar 'gyur ba dang / yongs su 'dzin pa thams cad la bdag gi sems gtong bar 'gyur ba dang / sangs rgyas bcom ldan 'das rnams kyis bdag smad par mi 'gyur ba dang / bdag grol zin nas kyang nyon mongs pa'i
122b3 bcing ba rnams kyis bcings pa'i sems can rnams 'ching ba de las rab tu thar bar bya ba'i phyir chos ston par 'gyur ro snyam pa ste lnga po de dag go/ /gzhan yang rnam pa lnga ste lnga gang zhe na/ rab tu 'byung ba ni tshul khrims 'chal pa'i sems can yongs su smin par bya ba'i phyir tshul
122b4 khrims dang 'thun pa yin no/ /rab tu 'byung ba ni thos pa nyung ba'i sems can yongs su smin par bya ba'i phyir thos pa dang 'thun pa yin no/ /rab tu 'byung ba ni sems rnam par g.yengs pa'i sems can yongs su smin par bya ba'i phyir ting nge 'dzin dang 'thun pa yin no/ /rab tu
122b5 'byung ba ni shes rab 'chal pa'i sems can yongs su smin par bya ba'i phyir shes rab dang 'thun pa yin no/ /rab tu 'byung ba ni mya ngan las 'das pa'i bde ba'i lam la sems can dgod par bya ba'i phyir rnam par grol ba'i ye shes dang 'thun pa yin te/ lnga po de dag go/ /
122b6 gzhan yang rnam pa lnga ste/ lnga gang zhe na/ rab tu 'byung ba ni phung po lnga yongs su shes par bya ba'i phyir nga rgyal bcom pa'o/ /rab tu 'byung ba ni kun 'byung ba spang ba'i phyir sred pa'i bag la nyal spong ba'o/ /rab tu 'byung ba ni 'gog pa mngon sum du bya ba'i phyir zhi ba dang / rab
122b7 tu zhi ba dang / nye bar zhi bar byed pa'o/ /rab tu 'byung ba ni 'phags pa'i lam yan lag brgyad pa bsgom pa'i phyir lam la 'jug go/ /rab tu 'byung ba ni 'phags pa'i bden pa rnams la sems can dgod pa'i phyir bden pa la 'jug pa ste/ lnga po de dag go/ /klu'i bdag po chos
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo