rKTs

e-texts navigator

Volume

Page

119b₁ ldan 'das ji ltar na byang chub sems dpa' rnams sems can gyi spyod pa dang / bsam pa dang / cho ga 'tshal ba lags/ bcom ldan 'das ji ltar na byang chub sems dpa' rnams yongs su smin par bgyi ba dang / gzung ba dang / bklag pa dang / brda sprod pa la mkhas
119b₂ pa lags/ bcom ldan 'das ji ltar na byang chub sems dpa' rnams bdud phyir rgol ba bcom pa dang / skrag pa dang / 'jigs pa thams cad dang bral nas/ byang chub sems dpa'i spyad pa spyod pa lags/ bcom ldan 'das ji ltar na byang chub sems dpa' rnams phyir mi
119b₃ ldog pa'i chos la yang dag par gzhol ba dang / bzod pa thob pa dang / lung bstan pa thob pa lags/ de skad ces gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to/ /klu'i bdag po legs so legs so/ /khyod de bzhin
119b₄ gshegs pa la don 'di 'dri bar sems pa ni klu'i bdag po khyod legs so/ /klu'i bdag po de'i phyir legs par rab tu nyon la yid la zung shig dang ngas khyod la bshad do/ /bcom ldan 'das legs so zhes gsol te/ klu'i rgyal po rgya mtsho bcom ldan 'das kyi ltar nyan pa dang /
119b₅ bcom ldan 'das kyis de la 'di skad ces bka' stsal to/ /klu'i bdag po chos bzhi dang ldan na/ byang chub sems dpa' rnams ngan 'gro dang ngan song thams cad yang dag par chad par 'gyur te/ bzhi gang zhe na 'di lta ste/ sems can thams cad la khong khro ba'i sems
119b₆ med pa dang / dge ba bcu'i las kyi lam yang dag par blangs nas thams cad srung ba dang / gzhan gyi nyes pa mi gleng zhing brnyas par mi byed pa dang / bdag gi 'khrul pa la rtog par byed kyi gzhan gyi 'khrul pa la mi rtog pa ste/ klu'i bdag po chos bzhi po de dag dang ldan na/
119b₇ byang chub sems dpa' rnams ngan 'gro dang / ngan song thams cad yang dag par chad par 'gyur ro/ /klu'i bdag po chos bzhi dang ldan na byang chub sems dpa' rnams mi khom pa thams cad spong bar 'gyur te/ bzhi gang zhe na/ 'di lta ste/ dkon mchog gsum po 'di lta ste/

_{iiif viewer powered by OpenSeadragon}

119a - 120a

Texts on this page