| e-texts navigator |
| བོད་ཡིག |
118b1 par bgyid cing thar pa yang dag ston pa lags/ /khyod kyi ye shes dus gsum gtogs pa thogs pa ma mchis gar yang chags pa ma mchis te/ /khyod kyis sems can rnams kyi spyod pa chung dang 'bring dang dam pa ma lus thugs su chud/ /gang dag gi ni dbang po bsam pa dag dang 'gro
118b2 dang thar pa tha dad ji 'dra ba/ /thams cad khyod kyis skad cig tsam gyis thugs su chud par de slad khyod la phyag 'tshal lo/ /rdzogs pa'i byang chub shing rgyal drung du glags lta'i phyir brtson bdud rnams bye ba brgya phrag snyed/ /khyod kyi thad du lhags par gyur kyang gnas las ma g.yos thugs brtser
118b3 ldan pa'i blo mnga' ba/ /mnga' bdag khyod kyis bden dang brtul zhugs dpal dang yon tan rnams dang byams pas pham par mdzad/ /de slad mi rnams su zhig deng 'dir khyod la mchod pa'i slad du khyod la ngoms par 'dzin/ /mnga' bdag khyod kyis chos rnams byed pa med dang ya ma brla dang
118b4 zla ba 'dra ba dang / /dbu ba glog sprin chu yi chu bur 'dra zhing sgyu ma smig rgyu lta bur thugs su chud/ /gang la rgyu med rtog pa mi 'byung khyod kyis chos de dag ni rtag tu bdag med de/ /de ltar 'gro ba'i 'dod pa lnga skyed mdzad pas mnga' bdag khyod ni thar pa lags par 'os/ /gang gi don du
118b5 bskal pa bye ba khrag khrig mang por dka' ba rnams ni bstan pa dang / /gang gi don du rtag tu 'gro la phan mdzad 'dren pa rnams la mchod pa mdzad pa dang / /gang gi don du sbyin dang yang dag sdom dang dul dang bzod pa rtag tu bsten pa yi/ /rnam 'dren khyod kyi smon lam chen po shin tu
118b6 rmad du byung ba de ni rdzogs par gyur/ /de nas klu'i rgyal po rgya mtshos bcom ldan 'das la tshul dang 'thun pa'i tshigs su bcad pa 'di dag gis mngon par bstod nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan
118b7 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu bar 'tshal lo/ /de skad ces gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to/ /
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo