| e-texts navigator |
| བོད་ཡིག |
117b1 rin po che'i gdugs de las kyang mu tig kha dog du ma'i rgyan phreng 'bum phrag du ma 'di lta ste/ mu tig dkar po dang / mu tig dmar po dang / mu tig dri ma med pa dang / gser lta bu'i mu tig dang / zla ba lta bu'i mu tig dang / pad ma lta bu'i mu tig dang / nam mkha' lta bu'i
117b2 mdog can gyi mu tig rnams 'phyang ngo / /mu tig gi rgyan phreng de dag las kyang 'od zer dag byung ngo / /'od zer de dag las kyang me tog kha dog sna tshogs pa/ kha dog 'bum phrag du ma dri zhim pa/ blta na sdug pa yid du 'ong ba dag gi char mngon par bab bo/ /me tog de dag gis
117b3 kyang 'khor gyi khyams thams cad pus mo nub pa tsam du gang bar gyur to/ /bar snang la yang 'brug sgra chen po grags par gyur to/ /a ga ru dang / tsan dan gyi phye ma dag dang / tsan dan dus kyi rjes su 'brang ba'i phye ma dag gi char yang bab bo/ /de nas sangs rgyas kyi mthus tshe dang
117b4 ldan pa maud gal gyi bu chen po stan las langs nas bla gos phrag pa gcig tu gzar te pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das sngon ma mthong
117b5 ma thos pa'i cho 'phrul 'di lta bu gda' ba 'di dag su'i snga ltas lags/ de skad ces gsol pa dang / bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu 'di ni klu'i rgyal po rgya mtsho de bzhin gshegs pa la bltar 'ong
117b6 ba de'i snga ltas yin no/ /de nas bcom ldan 'das kyis tshig de skad ces bka' stsal nas ring po ma lon par/ klu'i rgyal po rgya mtsho klu bye ba phrag brgyad cu rtsa bzhi dang / klu'i bu mo bye ba phrag bdun cu rtsa gnyis kyis bskor cing mdun du bdar te/ me tog dang / bdug pa
117b7 dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan thams cad dang / sil snyan dang / pheg rdob pa dang / glu dbyangs brgya stong dag len cing bcom ldan 'das ga la ba der dong ste lhags nas/ bcom
iiif viewer powered by OpenSeadragon
Texts on this page
D153 - 'phags pa klu'i rgyal po rgya mtshos zhus pa zhes bya ba theg pa chen po'i mdo