rKTs

e-texts navigator

Volume

Page

141a₁ zhing yid ches par dka' la/ rtogs par dka' ba ste/ mun sprul du mngon par yid ches pa'am/ 'jug par mi nus so/ /'jam dpal phyi ma'i dus phyi ma'i tshe lnga brgya pa tha ma la bab pa'i tshe chos kyi rnam grangs 'di gang la la dag gis thos
141a₂ te/ yid ches par gyur tam/ tshol lam rtog na de dag ni 'jam dpal khyod kyis sangs rgyas mang po la bsnyen bkur byas pa/ legs par spyod pa spyad pa/ theg pa chen po 'di'i snod du gyur par nges par rig par bya ste/ rigs kyi bu'am/ rigs kyi bu mo gang dag
141a₃ chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / glegs bam du byas shing 'chang ba de dag thams cad kyis kyang bdag cag gis ni sngon de bzhin gshegs pa gang gA'i klung gi bye ma snyed dag mthong bar gyur to/ /mnyes par
141a₄ byas so/ /bsnyen bkur byas so zhes bya ba dang / de dag gis ni nga yang skyed mos tshal 'di na chos kyi rnam grangs 'di bstan pa dang / 'khor 'dus pa 'di yang mthong ngo zhes de ltar shes par bya'o/ /de'i tshe bcom ldan 'das kyis tshe dang ldan pa kun dga' bo la bka' stsal pa/
141a₅ kun dga' bo khyod kyis chos kyi rnam grangs 'di long shig /zung shig /kun chub par gyis shig /dbang po rnon po rnams ma gtogs par gar bab bab kyi mdun du ma ston cig /de ci'i phyir zhe na/ kun dga' bo 'di ni de bzhin gshegs pa'i gsang ba yin pa dang / 'di ni
141a₆ de bzhin gshegs pa'i gsang chen yin pa dang / 'di ni de bzhin gshegs pa'i bar chad med pa'i chos bstan pa yin pa dang / 'di ni de bzhin gshegs pa'i phyag rgya yin pa dang / 'di ni de bzhin gshegs pa'i bsrung ba bsgom pa yin pa dang / 'di ni de bzhin gshegs
141a₇ pa'i gter gyi mchog yin pa'i phyir te/ kun dga' bo de bas na nga'i bu thu bo chos kyi mdzod 'dzin pa/ chos kyi mdzod srung ba de dag la sbyin par bya ba ma gtogs par 'di ni shin tu sba bar bya zhing su la'ang sbyin par mi bya'o/ /kun dga' bos gsol pa bcom ldan 'das bdag gis chos kyi

_{iiif viewer powered by OpenSeadragon}

140b - 141b

Texts on this page