rKTs

e-texts navigator

Volume

Page

186a₁ ngan gyi rim pa yang med de/ dud 'gro phyugs dang 'dra ba/ kha na ma tho ba'i sdig pa mang po byed cing ngan song gsum gyis mi 'jigs par gar song bar gnas kyang chang 'tshong ba dang / shan pa dang / rngon pa dang / smad 'tshong ma dang / sten cing 'grogs pa/ kha nas kyang dag
186a₂ sdig pa smra zhing sems la yang sdig pa sems pa dang / yang na blon po dang sten cing dge ba'i mi dag la thabs sna tshogs kyis bsdigs shing nor phrogs te bu smad gso'o/ /yang na rngon pa'i yo byad nya rgya la sogs pa 'chang zhing nya la sogs pa bcus nas rang gi lag bdar te gsod pa dang /
186a₃ sreg pa dang / zla ba nya ba dang / shi ba'i tshe gso sbyong mi byed de rang nyams su gtong ba dang / tshul khrims kyi las byed pa rnams phan tshun rtsod cing bla ma dang / 'og ma dang / grogs po la zhe sdang ba dang / gdug pa'i sems bskyed pa dang / slob dpon dang / slob ma yang gcig la gcig
186a₄ skyon 'dru zhing / 'phya ba dang sgrogs pa'i gtam smra ste/ dper na rtsangs pa mang po kun gcig tu 'dus pa dang 'dra ba dang / phan tshun dpung dang / sde tshan gcig la gcig tshig ngan gyis sma 'bebs pa dang / bla 'og gi rim pa yang med pa dang / mi rgod ma rungs pa ltar dge ba byed pa las
186a₅ 'phrog rlom byed pa dang / khe dang grags pa la chags te/ chos mi shes par gyur pa de'i tshe/ mdo sde bcu gnyis kyang nub par gyur te/ klog pa dang / 'don pa yang med pa dang / nga'i slob ma rnams kyang dgra chos dang / gtsug lag dang / yi ge dang / rtse ba dang / bzhon pa dang / bon chos dang /
186a₆ mig dang / glu gar dang / 'du ba dang / spyugs pa dang / 'phong rtsal dang / rta rgyug pa la sogs pa'i chos ma yin pa slob cing spyod de/ de ltar ma legs pa'i chos spyod pas/ tshe 'phos ma thag tu ngan song du lhung ste/ bskal pa grangs med par ngan song gi sdug bsngal myong nas de las thar nas
186a₇ yang byol song du skye ste/ ltogs pa dang / skom pa dang / sdug bsngal gyis nyen pa dang / khal lci ba 'gel zhing 'gro bar 'gyur ro/ /phyi zhig na sbyangs pa'i yon tan slob pa yang chos ma yin pa mang du byed de/ ri dang / tshal dang / dur khrod dang / shing drung na mi gnas shing rtag tu grong du rgyug ste/

_{iiif viewer powered by OpenSeadragon}

185b - 186b

Texts on this page