rKTs

e-texts navigator

Volume

Page

144a₁ 'dzin ces kyang bya'o/ /yang ming dpag tu med pa'i gzhung gi phyi mo zhes kyang bya ste mi la la zhig gis chos kyi yi ge 'di mnos te gzungs su 'dzin pa zhig yod na de brgya stong gis sangs rgyas gzungs su 'dzin pa ste/ de lta bu'i legs pa'i don ni dper nam mkha' dang
144a₂ mtshungs mu mtha' med de bsam gyis mi khyab pa'i chos kyi yi ge 'di gtams bcol to/ /dga' bos gsol pa ji lta bu'i sems spyod pa dang ji lta bu'i mis chos kyi yi ge 'di mnos shing gzungs su 'dzin/ sangs rgyas kyis gsungs pa/ pho dge ba chos kyi yi ge 'di mnos shing gzungs
144a₃ su 'dzin pa'i mi de ni sems thob pa dang stor ba med la rtag tu tshangs par spyod pa spyad de/ 'dran tor brjod pa la yang rtag par mi g.yo ba'i sems la dad de/ grong khyim du zhugs pa yang sems rtag par thub pa la 'dug go/ /khyim du 'dug na yang yod pa gsum la ma chags pa de lta bu'i da
144a₄ ltar gyi tshe'i dus la dpal yon rnam pa lnga yod de/ gcig ni phal gyis btsun zhing gus pa'o/ /gnyis ni lus ye 'drog tu mi mchi ba'o/ /gsum ni yon po chad pa yid myur du lan lon pa'o/ /bzhi ni sems can bsgral ba la sred pa'o/ /lnga ni 'phrul gyi lam du 'jug nus pa ste de lta bu'i
144a₅ mis ni chos kyi yi ge 'di mnos shing gzungs su 'dzin to/ /dga' bos gsol pa/ de lta bu'i mis ni sems can rnams bsal la yon blang du rung ngam mi rung / sangs rgyas kyis gsungs pa/ de lta bu'i mis ni sems can rnams kyi phyir dpal zhing chen po byas nas rtag par shes rab chen po
144a₆ spyad de dpal gyi rang bzhin bden pa gnyis ka gnas/ dge 'dun gyi gzhi rten pa yin te yon rnams la mgo dang / mig dang / rkang pa dang / de kun kyang blang du rung na gos dang kha zas blang du rung ba lta smos kyang ci dgos/ pho dge ba de lta bu'i mi ni khyod kyi dge ba'i bshes gnyen yin/
144a₇ khyod kyi zam pa yin na mi tha mal pa lta smos kyang ci dgos na yon mi 'bul/ dga' bos gsol pa/ mi de la chos kyi yi ge de mnos te gzungs su bzung ba yon phul na mi des dpal yon ji tsam thob/ sangs rgyas kyis gsungs pa/ yang mi la la zhig gis mkhar gang ba'i gser

_{iiif viewer powered by OpenSeadragon}

143b - 144b

Texts on this page