rKTs

e-texts navigator

Volume

Page

141b₁ gnyis la mi chags te dbus ma'i 'bab pa la yang mi chags so/ /sems kyi rnam par shes pa yang de dang mtshungs na ji lta bur khams kyi rnams rnam par shes pa las skyes zhes bgyi/ rnam par shes pa skye ba yod du lags na rnam par shes pa de yang skye ba las byung ba ji lta bur rnam par
141b₂ shes pa skye ba med la/ skye ba yod pa kun skye bar nus zhes bgyi/ de nas btsun pas tshigs su bcad pas bshad do/ /skye ba dang ni skye nus gnyis/ /de gnyis kyis su rkyen bya nus/ /phyi mo nas su gnyis ka med/ /stong rgyu me tog len dang mtshungs/ /rnam
141b₃ par shes pa ma skyes te/ /khams kyang de tshe skyes ma yin/ /khams rnams ma skyes pa yi tshe/ /de tshe rnam shes pa zhi'o/ /de nas phyi mo nas mu med/ /yod dang med dang gnyis ka'ang med/ /skye ba med pa'i shes pa'ang med/ /ji ltar de las khams
141b₄ yod rung / /de nas byang chub sems dpa' sa'i snying pos gsol pa/ chos kyi mtshan ma de lta lags te phyi nang gnyis ka stong na khams dang shes rab gnyis kyang phyi mo nas stong pa zhi ba ste/ yang dag par gshegs pas bshad pa la bden pa'i mtshan ma ni yang dag par stong
141b₅ pa ste/ de lta bu'i chos ni 'dus pa ma lags so/ /sangs rgyas kyis gsungs pa/ de lta bu'i mi g.yo ba yang dag pa'i chos ni gzugs kyang med/ chags pa yang med de/ ci yang 'du ba med/ 'du nus pa yang med/ gzhung yang med/ chen po yang med/
141b₆ phyi mo gcig gi 'khor gyi chos te/ legs pa'i don zab mo'i phung po'o/ /byang chub sems dpa' sa'i snying pos gsol pa/ bsam gyis mi khyab pa'i phung po la bdun dang lnga ni mi skye/ brgyad dang drug gi stong par zhi ste/ dgu ni mtshan ma yang stong pa med do/ /med
141b₇ pa'i stong pa yang med do/ /btsun pas bshad pa bzhin te/ chos kyi gzhung kun stong pa'o/ /stong par zhugs na spyad pa med de/ las kyi rnams ma stor bas nga dang / nga'i gnas dang / nus pa'i gnas dang / lus kyi mthong ba dang / phyi nang 'dud pas mngags

_{iiif viewer powered by OpenSeadragon}

141a - 142a

Texts on this page