| e-texts navigator |
| བོད་ཡིག |
140b1 stong pa'i gnas las bshad/ /skye dang shi ba'i chos bkab ste/ /mya ngan las su 'das par gnas/ /thugs rje chen pos bsdus pas su/ /mya ngan 'das la mi chags so/ /bsgyur bas blang bar nus pa ste/ /yang dag gshegs pa'i mdzod du chud/ /de nas
140b2 phal mang po'i gzhung de skad bshad pa thos nas kun gyis dang po'i srog thob ste/ yang dag par gshegs par chud de/ yang dag par gshegs pa'i mdzod kyi mchi'o/ /rdo rje'i ting nge 'dzin gyi chos kyi yi ge le'u brgyad de/ mdo 'dzin pa'i le'u'o// //
140b3 de'i tshe byang chub sems dpa' sa'i snying pos phal mang po'i nang nas langs nas sangs rgyas kyi mdun du phyin nas thal mo sbyar ba dang / pus mo btsugs te sangs rgyas la gsol pa/ btsun pa bdag gis phal brtags na sems can la dogs pa mchis te da dung ma thul to/ /
140b4 yang dag par gshegs pas dogs pa bsal bar bgyis na bdag gis phal mang po'i slad du dogs pa bzhin du dri bar 'tshal na sangs rgyas byams pas thugs rjes gzigs te gnang bar smon to/ /sangs rgyas kyis gsungs pa/ byang chub sems dpa' sems dpa' chen po
140b5 khyod kyis de lta bur sems can gyi ra mda' bya zhing / bsgral nus na de lta bu'i snying rje chen po ni bsam gyis mi khyab bo/ /khyod kyis rgya chen po dris shig dang / khyod la dgrol bshad do/ /byang chub sems dpa' sa'i snying pos gsol pa/ chos so cog thams cad ji ltar na
140b6 rkyen las ma skyes/ de nas yang dag par gshegs pas gzhung 'di bshad par dgongs nas tshigs su bcad pas bshad do/ /chos rkyen las su skyes na ni/ /chos rkyen bral na chos med dam/ /ji lta bus na chos nyid med/ /rkyen gyis su ni chos skyes sam/ /de nas byang
140b7 chub sems dpa' sa'i snying pos gsol pa/ chos la skye ba ma mchis su lags na ji lta bur na bshad pa la sems las byung zhes bgyi/ de nas btsun pas tshigs su bcad pa 'di gsungs pa/ sems las skyes pa'i chos kyis ni/ /chos des blang ba blang nus te/ /dpe ru
iiif viewer powered by OpenSeadragon
Texts on this page
D135 - rdo rje'i ting nge 'dzin gyi chos kyi rnam grangs yi ge