rKTs

e-texts navigator

Volume

Page

139b₁ yang dag par gshegs pas gzhung 'di bslabs pa'i tshigs su bcad pas bshad pa/ chos ni rnam par rtog las skyes/ /slar yang rnam par rtog la bkag /rnam par rtog pa'i chos bkag na/ /chos de skye shi zhi ba med/ /de nas ya rabs tshangs par spyod pas le'u
139b₂ bshad pa thos nas yid shin tu dga' ste gzhung 'di bslabs par tshigs su bcad pa bshad do/ /chos rnams stong pa phyi mo zhi/ /stong pa zhi ba skye ba med/ /chos gzhan skyes shing shi ba yin/ /chos 'di skye ba med pa med/ /de dang 'di ni mi 'thun te/ /chad dang rtag dang
139b₃ yod phyir ro/ /'di ni gnyis dang bral ba ste/ tshig gcig la yang mi 'jug go/ /chos gcig yod ces bshad pa ni/ /de yi gzugs spu'i 'khor lo bzhin/ /smig rgyu'i chu ru bslad dang mtshungs/ /sgyu ma mi bden rnams phyir ro/ /chos la med par mthong ba
139b₄ ni/ /chos stong par ni 'thun pa yin/ /dmus long gnyis med long ba bzhin/ /chos rnams ru sbal spu dang mtshungs/ /bdag nga sangs rgyas bshad pa thos/ /chos la gnyis mthong med par rig /dbu ma la yang mi chags so/ /de lta bas na chags blangs te/ /
139b₅ yang dag gshegs pas chos bshad pa/ /kun kyang ma chags med las byung / /bdag ni chags pa med gnas nas/ /yang dag gshegs la phyag 'tshal lo/ /yang dag gshegs la gus phyag 'tshal/ /ye shes mi g.yo stong pa bzhin/ /chags med pa la'ang mi chags
139b₆ te/ /chags med lus la gus phyag 'tshal/ /bdag ni gnas kun thams cad na/ /rtag par yang dag gshegs rnams mthong / /yang dag gshegs pa rnams mthong gis/ /bdag la rtag chos bshad par smon/ /de nas yang dag par gshegs pas tshig 'di gsungs so/ /pho dge ba rnams
139b₇ khyod la sogs pa brtags par nyon cig / khyed mang po la sogs pa la brtags pa'i chos bshad do/ /pho dge ba brtag pa'i chos dang / brtag pa med pa'i chos la bshad pa yang med/ yi ge 'bru yang med/ bden pa yang med/ grol thar yang med/ med pa yang

_{iiif viewer powered by OpenSeadragon}

139a - 140a

Texts on this page